רוחי זרה לאשתי וחנתי לבני בטני:

מה כחי כי איחל ומה קצי כי אאריך נפשי:

ויחי איוב אחרי זאת מאה וארבעים שנה וירא את בניו ואת בני בניו ארבעה דרות:

כי לא לעולם אריב ולא לנצח אקצוף כי רוח מלפני יעטוף ונשמות אני עשיתי:

אם אקוה שאול ביתי בחשך רפדתי יצועי:

לשחת קראתי אבי אתה אמי ואחתי לרמה:

כי שבעה ברעות נפשי וחיי לשאול הגיעו:

במתים חפשי כמו חללים שכבי קבר אשר לא זכרתם עוד והמה מידך נגזרו:

אני אמרתי בדמי ימי אלכה בשערי שאול פקדתי יתר שנותי:

דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשלימני:

כסוס עגור כן אצפצף אהגה כיונה דלו עיני למרום אדני עשקה לי ערבני: