יאכל בדי עורו יאכל בדיו בכור מות:

ינתק מאהלו מבטחו ותצעדהו למלך בלהות:

יחשך נפשו מני שחת וחיתו מעבר בשלח:

וזהמתו חיתו לחם ונפשו מאכל תאוה:

ותקרב לשחת נפשו וחיתו לממתים:

ויחננו ויאמר פדעהו מרדת שחת מצאתי כפר:

יעתר אל אלוה וירצהו וירא פניו בתרועה וישב לאנוש צדקתו:

פדה נפשי מעבר בשחת וחיתי באור תראה:

נחשבתי עם יורדי בור הייתי כגבר אין איל:

שתני בבור תחתיות במחשכים במצלות:

הרחקת מידעי ממני שתני תועבות למו כלא ולא אצא:

מהר ענני יהוה כלתה רוחי אל תסתר פניך ממני ונמשלתי עם ירדי בור:

הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי:

כי לא שאול תודך מות יהללך לא ישברו יורדי בור אל אמתך:

לקצבי הרים ירדתי הארץ ברחיה בעדי לעולם ותעל משחת חיי יהוה אלהי:

שם רשעים חדלו רגז ושם ינוחו יגיעי כח:

קטן וגדול שם הוא ועבד חפשי מאדניו:

ויאמר אלי בן אדם העצמות האלה כל בית ישראל המה הנה אמרים יבשו עצמותינו ואבדה תקותנו נגזרנו לנו:

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים: