יסר מעלי שבטו ואמתו אל תבעתני:

אדברה ולא איראנו כי לא כן אנכי עמדי:

אולם אני אל שדי אדבר והוכח אל אל אחפץ:

וקרא ואנכי אענה או אדבר והשיבני:

מי יתן ידעתי ואמצאהו אבוא עד תכונתו:

אדעה מלים יענני ואבינה מה יאמר לי:

שם ישר נוכח עמו ואפלטה לנצח משפטי:

מי יתן לי שמע לי הן תוי שדי יענני וספר כתב איש ריבי:

ויען יהוה את איוב ויאמר:

ויען איוב את יהוה ויאמר:

אחת דברתי ולא אענה ושתים ולא אוסיף:

מה שהיה כבר נקרא שמו ונודע אשר הוא אדם ולא יוכל לדין עם שהתקיף ממנו:

הוי רב את יצרו חרש את חרשי אדמה היאמר חמר ליצרו מה תעשה ופעלך אין ידים לו:

אמנם בן אדם מי אתה אשר תריב את האלהים היאמר יצר ליצרו למה ככה עשיתני: