אם און בידך הרחיקהו ואל תשכן באהליך עולה:

כל ימי רשע הוא מתחולל ומספר שנים נצפנו לעריץ:

כי עדת חנף גלמוד ואש אכלה אהלי שחד:

הן ידעתי מחשבותיכם ומזמות עלי תחמסו:

כי תאמרו איה בית נדיב ואיה אהל משכנות רשעים:

הלא רעתך רבה ואין קץ לעונתיך:

לא מים עיף תשקה ומרעב תמנע לחם:

אלמנות שלחת ריקם וזרעות יתמים ידכא:

בצדקתי החזקתי ולא ארפה לא יחרף לבבי מימי:

יהי כרשע איבי ומתקוממי כעול:

כי אמלט עני משוע ויתום ולא עזר לו:

צדק לבשתי וילבשני כמעיל וצניף משפטי:

אב אנכי לאביונים ורב לא ידעתי אחקרהו:

ברית כרתי לעיני ומה אתבונן על בתולה:

הלא איד לעול ונכר לפעלי און:

אם הלכתי עם שוא ותחש על מרמה רגלי:

אם תטה אשרי מני הדרך ואחר עיני הלך לבי ובכפי דבק מאום:

אם נפתה לבי על אשה ועל פתח רעי ארבתי:

כי הוא זמה והיא עון פלילים:

אם אמאס משפט עבדי ואמתי ברבם עמדי:

הלא בבטן עשני עשהו ויכננו ברחם אחד:

ואכל פתי לבדי ולא אכל יתום ממנה:

אם אראה אובד מבלי לבוש ואין כסות לאביון:

אם הניפותי על יתום ידי כי אראה בשער עזרתי:

כי פחד אלי איד אל ומשאתו לא אוכל:

אם אשמח כי רב חילי וכי כביר מצאה ידי:

ויפת בסתר לבי ותשק ידי לפי:

אם אשמח בפיד משנאי והתעררתי כי מצאו רע:

אם לא אמרו מתי אהלי מי יתן מבשרו לא נשבע:

אם כסיתי כאדם פשעי לטמון בחבי עוני:

מי יתן לי שמע לי הן תוי שדי יענני וספר כתב איש ריבי:

מספר צעדי אגידנו כמו נגיד אקרבנו:

אם כחה אכלתי בלי כסף ונפש בעליה הפחתי:

יהוה אלהי אם עשיתי זאת אם יש עול בכפי:

ירדף אויב נפשי וישג וירמס לארץ חיי וכבודי לעפר ישכן סלה:

כל זאת באתנו ולא שכחנוך ולא שקרנו בבריתך:

כי דכיתנו במקום תנים ותכס עלינו בצלמות:

הלא אלהים יחקר זאת כי הוא ידע תעלמות לב:

אם אתה תשחר אל אל ואל שדי תתחנן:

אם זך וישר אתה כי עתה יעיר עליך ושלם נות צדקך:

און אם ראיתי בלבי לא ישמע אדני:

אכן שמע אלהים הקשיב בקול תפלתי:

זבח רשעים תועבת יהוה ותפלת ישרים רצונו:

לכן רצוני שיתפללו האנשים בכל מקום וישאו ידיהם קדש בלי כעס ומדון: