ויסב המלך את פניו ויברך את כל קהל ישראל וכל קהל ישראל עמד:

ויעמד שלמה לפני מזבח יהוה נגד כל קהל ישראל ויפרש כפיו השמים:

וכל יהודה עמדים לפני יהוה גם טפם נשיהם ובניהם:

ויקמו הלוים מן בני הקהתים ומן בני הקרחים להלל ליהוה אלהי ישראל בקול גדול למעלה:

שיר המעלות הנה ברכו את יהוה כל עבדי יהוה העמדים בבית יהוה בלילות:

יברכך יהוה מציון עשה שמים וארץ:

הללו יה הללו את שם יהוה הללו עבדי יהוה:

הללו יה כי טוב יהוה זמרו לשמו כי נעים:

ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך:

ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה:

לדוד ברכי נפשי את יהוה וכל קרבי את שם קדשו:

ברכי נפשי את יהוה ואל תשכחי כל גמוליו:

הללו את יהוה כל גוים שבחוהו כל האמים:

כי גבר עלינו חסדו ואמת יהוה לעולם הללו יה:

בכל יום אברכך ואהללה שמך לעולם ועד:

אהללה יהוה בחיי אזמרה לאלהי בעודי:

כה אמר יהוה עוד ישמע במקום הזה אשר אתם אמרים חרב הוא מאין אדם ומאין בהמה בערי יהודה ובחצות ירושלם הנשמות מאין אדם ומאין יושב ומאין בהמה:

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה:

בעת ההיא ענה ישוע ואמר אודך אבי אדון השמים והארץ כי הסתרת את אלה מן החכמים והנבונים וגליתם לעוללים:

ולו אשר יכל להרבות גמוליו עלינו יותר מכל משאלותינו ומחשבותינו לפי הכח הפעל בקרבנו:

לו הכבוד בקרב הקהל במשיח ישוע לדר ודר עד עולמי עולמים אמן:

ברוך האלהים אבי אדנינו ישוע המשיח אשר כרב רחמיו שב והוליד אתנו לתקוה חיה בהקמת ישוע המשיח מעם המתים:

ימינך יהוה נאדרי בכח ימינך יהוה תרעץ אויב:

מי כמכה באלם יהוה מי כמכה נאדר בקדש נורא תהלת עשה פלא:

אם לא תשמר לעשות את כל דברי התורה הזאת הכתובים בספר הזה ליראה את השם הנכבד והנורא הזה את יהוה אלהיך:

ועתה אלהינו מודים אנחנו לך ומהללים לשם תפארתך:

ברוך יהוה אלהים אלהי ישראל עשה נפלאות לבדו:

וברוך שם כבודו לעולם וימלא כבודו את כל הארץ אמן ואמן:

הדר כבוד הודך ודברי נפלאותיך אשיחה:

כבוד מלכותך יאמרו וגבורתך ידברו:

להודיע לבני האדם גבורתיו וכבוד הדר מלכותו:

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח:

כי האמנם ישב אלהים על הארץ הנה השמים ושמי השמים לא יכלכלוך אף כי הבית הזה אשר בניתי:

לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש:

אמרת ליהוה אדני אתה טובתי בל עליך:

מי ימלל גבורות יהוה ישמיע כל תהלתו: