אל בני כי לוא טובה השמעה אשר אנכי שמע מעברים עם יהוה:

איש חמס יפתה רעהו והוליכו בדרך לא טוב:

גם ענוש לצדיק לא טוב להכות נדיבים על ישר:

שאת פני רשע לא טוב להטות צדיק במשפט:

גם בלא דעת נפש לא טוב ואץ ברגלים חוטא:

גם אלה לחכמים הכר פנים במשפט בל טוב:

והפחות הראשנים אשר לפני הכבידו על העם ויקחו מהם בלחם ויין אחר כסף שקלים ארבעים גם נעריהם שלטו על העם ואני לא עשיתי כן מפני יראת אלהים:

ויאמר אברהם כי אמרתי רק אין יראת אלהים במקום הזה והרגוני על דבר אשתי:

ויאמר אלהם יוסף ביום השלישי זאת עשו וחיו את האלהים אני ירא:

אל תקח מאתו נשך ותרבית ויראת מאלהיך וחי אחיך עמך:

ויהי שלום לקהלות בכל מקמות יהודה והגליל ושמרון ותבנינה ותתהלכנה ביראת האדון ותרבינה בנחמת רוח הקדש:

ויהי ריב בין רעי מקנה אברם ובין רעי מקנה לוט והכנעני והפרזי אז ישב בארץ:

ויאמר אברם אל לוט אל נא תהי מריבה ביני וביניך ובין רעי ובין רעיך כי אנשים אחים אנחנו:

אפס כי נאץ נאצת את איבי יהוה בדבר הזה גם הבן הילוד לך מות ימות:

ויבוא אל הגוים אשר באו שם ויחללו את שם קדשי באמר להם עם יהוה אלה ומארצו יצאו:

כי שם האלהים בגללכם מחלל בגוים כאשר כתוב:

על כן רצוני כי הצעירות תהיינה לאיש ללדת בנים ולהנהיג את בתיהן ולא לתת לאיב תאנה לחרף:

ולהיות צנועות וטהרות צופיות הליכות ביתן וטבות ונכנעות לבעליהן למען לא יחלל דבר האלהים:

והיטיבו דרככם בגוים למען יביטו אל מעשיכם הטובים והיה תחת אשר חרפו אתכם כפעלי און יכבדו את האלהים ביום הפקדה: