זכרה לי אלהי על זאת ואל תמח חסדי אשר עשיתי בבית אלהי ובמשמריו:

ואמרה ללוים אשר יהיו מטהרים ובאים שמרים השערים לקדש את יום השבת גם זאת זכרה לי אלהי וחוסה עלי כרב חסדך:

ולקרבן העצים בעתים מזמנות ולבכורים זכרה לי אלהי לטובה:

כי אם זכרתני אתך כאשר ייטב לך ועשית נא עמדי חסד והזכרתני אל פרעה והוצאתני מן הבית הזה:

זכר רחמיך יהוה וחסדיך כי מעולם המה:

חטאות נעורי ופשעי אל תזכר כחסדך זכר לי אתה למען טובך יהוה:

ואני עני ואביון אדני יחשב לי עזרתי ומפלטי אתה אלהי אל תאחר:

זכרני יהוה ברצון עמך פקדני בישועתך:

כי אנכי ידעתי את המחשבת אשר אנכי חשב עליכם נאם יהוה מחשבות שלום ולא לרעה לתת לכם אחרית ותקוה:

ואהי תמים עמו ואשתמר מעוני:

עם חסיד תתחסד עם גבר תמים תתמם:

והמשקה את אחד הקטנים האלה רק כוס מים קרים לשם תלמיד אמן אמר אני לכם כי לא יאבד שכרו:

אז יאמר המלך אל הנצבים לימינו באו ברוכי אבי ורשו את המלכות המוכנה לכם למן הוסד העולם:

ערום ותכסוני חולה ותבקרוני במשמר הייתי ותבאו אלי:

ומתי ראינוך גר ונאספך או ערם ונכסך:

והמלך יענה ויאמר אליהם אמן אמר אני לכם מה שעשיתם לאחד מאחי הצעירים האלה לי עשיתם:

כי כל המשקה אתכם כוס מים בשמי על אשר אתם למשיח אמן אמר אני לכם כי לא יאבד שכרו: