גם בטרם יקטרון את החלב ובא נער הכהן ואמר לאיש הזבח תנה בשר לצלות לכהן ולא יקח ממך בשר מבשל כי אם חי:

ותהי חטאת הנערים גדולה מאד את פני יהוה כי נאצו האנשים את מנחת יהוה:

וזרעיכם וכרמיכם יעשר ונתן לסריסיו ולעבדיו:

משל מקשיב על דבר שקר כל משרתיו רשעים:

ואם תשאלו לשלום אחיכם בלבד מה יתרון לכם הלא גם המכסים יעשו זאת:

כי את מחסורי מלאו האחים בבאם ממקדוניא ובכל דבר נשמרתי מהיות לכם למשא וגם אשמר:

כי במה נגרעתם מן הקהלות האחרות אם לא הלאיתי אתכם סלחו נא לי את העולה הזאת:

ויאמר לא טוב הדבר אשר אתם עשים הלוא ביראת אלהינו תלכו מחרפת הגוים אויבינו:

כי פחד אלי איד אל ומשאתו לא אוכל:

הללו יה אשרי איש ירא את יהוה במצותיו חפץ מאד:

רוצה יהוה את יראיו את המיחלים לחסדו:

בחסד ואמת יכפר עון וביראת יהוה סור מרע:

סוף דבר הכל נשמע את האלהים ירא ואת מצותיו שמור כי זה כל האדם:

כי את כל מעשה האלהים יבא במשפט על כל נעלם אם טוב ואם רע:

מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו:

ויאמר שופט היה בעיר אחת אשר לא ירא את האלהים ולא נשא פנים לאדם:

וימאן מיום אל יום ואחרי כן אמר בנפשו גם כי את האלהים אינני ירא ולאדם לא אשא פנים: