קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות:

ואתה אמרת היטב איטיב עמך ושמתי את זרעך כחול הים אשר לא יספר מרב:

ויתפלל חזקיהו לפני יהוה ויאמר יהוה אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ:

אמנם יהוה החריבו מלכי אשור את הגוים ואת ארצם:

ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדך:

ערב ובקר וצהרים אשיחה ואהמה וישמע קולי:

ישמע אל ויענם וישב קדם סלה אשר אין חליפות למו ולא יראו אלהים:

חלקו מחמאת פיו וקרב לבו רכו דבריו משמן והמה פתחות:

אשר אמרת בפי עבדך דוד למה רגשו גוים ולאמים יהגו ריק:

כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת:

ועתה אדני ראה את גערתם ותן לעבדיך לדבר את דברך בכל בטחון לבם: