אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם:

ראה נתן יהוה אלהיך לפניך את הארץ עלה רש כאשר דבר יהוה אלהי אבתיך לך אל תירא ואל תחת:

ואמר אלכם לא תערצון ולא תיראון מהם:

יהוה אלהיכם ההלך לפניכם הוא ילחם לכם ככל אשר עשה אתכם במצרים לעיניכם:

ואמר אלהם שמע ישראל אתם קרבים היום למלחמה על איביכם אל ירך לבבכם אל תיראו ואל תחפזו ואל תערצו מפניהם:

כי יהוה אלהיכם ההלך עמכם להלחם לכם עם איביכם להושיע אתכם:

הלוא צויתיך חזק ואמץ אל תערץ ואל תחת כי עמך יהוה אלהיך בכל אשר תלך:

ויאמר הקשיבו כל יהודה וישבי ירושלם והמלך יהושפט כה אמר יהוה לכם אתם אל תיראו ואל תחתו מפני ההמון הרב הזה כי לא לכם המלחמה כי לאלהים:

לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו מחר צאו לפניהם ויהוה עמכם:

חזקו ואמצו אל תיראו ואל תחתו מפני מלך אשור ומלפני כל ההמון אשר עמו כי עמנו רב מעמו:

לדוד יהוה אורי וישעי ממי אירא יהוה מעוז חיי ממי אפחד:

יהוה צבאות עמנו משגב לנו אלהי יעקב סלה:

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי:

תבקשם ולא תמצאם אנשי מצתך יהיו כאין וכאפס אנשי מלחמתך:

אל תיראי תולעת יעקב מתי ישראל אני עזרתיך נאם יהוה וגאלך קדוש ישראל:

ואל תיראי מן ההרגים את הגוף ואת הנפש לא יוכלו להרג אך תיראו את אשר יוכל לאבד גם את הנפש גם את הגוף בגיהנם:

על כן נבטח ונאמר יהוה לי בעזרי לא אירא מה יעשה לי אדם:

אלה ברכב ואלה בסוסים ואנחנו בשם יהוה אלהינו נזכיר:

ואמר חלותי היא שנות ימין עליון:

והגיתי בכל פעלך ובעלילותיך אשיחה:

אתה האל עשה פלא הודעת בעמים עזך:

ראוך מים אלהים ראוך מים יחילו אף ירגזו תהמות:

קול רעמך בגלגל האירו ברקים תבל רגזה ותרעש הארץ:

נחית כצאן עמך ביד משה ואהרן:

זכרתי ימים מקדם הגיתי בכל פעלך במעשה ידיך אשוחח:

אנכי אנכי הוא מנחמכם מי את ותיראי מאנוש ימות ומבן אדם חציר ינתן:

ותשכח יהוה עשך נוטה שמים ויסד ארץ ותפחד תמיד כל היום מפני חמת המציק כאשר כונן להשחית ואיה חמת המציק:

ויזכר ימי עולם משה עמו איה המעלם מים את רעי צאנו איה השם בקרבו את רוח קדשו:

מוליכם בתהמות כסוס במדבר לא יכשלו:

ואמר אנא יהוה אלהי השמים האל הגדול והנורא שמר הברית וחסד לאהביו ולשמרי מצותיו:

כי יהוה אלהיכם הוא אלהי האלהים ואדני האדנים האל הגדל הגבר והנורא אשר לא ישא פנים ולא יקח שחד:

מצפון זהב יאתה על אלוה נורא הוד:

נוראות בצדק תעננו אלהי ישענו מבטח כל קצוי ארץ וים רחקים:

אמרו לאלהים מה נורא מעשיך ברב עזך יכחשו לך איביך:

לכו וראו מפעלות אלהים נורא עלילה על בני אדם:

לוא קרעת שמים ירדת מפניך הרים נזלו:

בעשותך נוראות לא נקוה ירדת מפניך הרים נזלו:

אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו:

גוער בים ויבשהו וכל הנהרות החריב אמלל בשן וכרמל ופרח לבנון אמלל:

לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו:

כי לא יכלו לשאת את אשר צוו ואם בהמה תגע בהר סקל תקסל או ירה תירה בחצים:

והמראה היה נורא עד מאד ויאמר משה יגרתי וחרדתי:

לכן אנחנו המקבלים מלכות אשר לא תמוט נבאה נא בתודה ונעבד בה את האלהים לרצון לו בצניעות וביראה:

כי אלהינו אש אכלה הוא:

חזק ונתחזק בעד עמנו ובעד ערי אלהינו ויהוה יעשה הטוב בעיניו: