Almeida Corrigida Fiel

Mateo 25:40

והמלך יענה ויאמר אליהם אמן אמר אני לכם מה שעשיתם לאחד מאחי הצעירים האלה לי עשיתם:

Números 22:3-6

ויגר מואב מפני העם מאד כי רב הוא ויקץ מואב מפני בני ישראל:

ויאמר מואב אל זקני מדין עתה ילחכו הקהל את כל סביבתינו כלחך השור את ירק השדה ובלק בן צפור מלך למואב בעת ההוא:

וישלח מלאכים אל בלעם בן בעור פתורה אשר על הנהר ארץ בני עמו לקרא לו לאמר הנה עם יצא ממצרים הנה כסה את עין הארץ והוא ישב ממלי:

ועתה לכה נא ארה לי את העם הזה כי עצום הוא ממני אולי אוכל נכה בו ואגרשנו מן הארץ כי ידעתי את אשר תברך מברך ואשר תאר יואר:

Josué 24:9

ויקם בלק בן צפור מלך מואב וילחם בישראל וישלח ויקרא לבלעם בן בעור לקלל אתכם:

Josué 24:10

ולא אביתי לשמע לבלעם ויברך ברוך אתכם ואצל אתכם מידו:

Números 23:8-11

מה אקב לא קבה אל ומה אזעם לא זעם יהוה:

כי מראש צרים אראנו ומגבעות אשורנו הן עם לבדד ישכן ובגוים לא יתחשב:

מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו:

ויאמר בלק אל בלעם מה עשית לי לקב איבי לקחתיך והנה ברכת ברך:

Números 23:18-11

Números 24:5-10

מה טבו אהליך יעקב משכנתיך ישראל:

כנחלים נטיו כגנת עלי נהר כאהלים נטע יהוה כארזים עלי מים:

יזל מים מדליו וזרעו במים רבים וירם מאגג מלכו ותנשא מלכתו:

אל מוציאו ממצרים כתועפת ראם לו יאכל גוים צריו ועצמתיהם יגרם וחציו ימחץ:

כרע שכב כארי וכלביא מי יקימנו מברכיך ברוך וארריך ארור:

ויחר אף בלק אל בלעם ויספק את כפיו ויאמר בלק אל בלעם לקב איבי קראתיך והנה ברכת ברך זה שלש פעמים:

Deuteronomio 23:5

ולא אבה יהוה אלהיך לשמע אל בלעם ויהפך יהוה אלהיך לך את הקללה לברכה כי אהבך יהוה אלהיך:

Salmos 109:28

יקללו המה ואתה תברך קמו ויבשו ועבדך ישמח:

Miqueas 6:5

עמי זכר נא מה יעץ בלק מלך מואב ומה ענה אתו בלעם בן בעור מן השטים עד הגלגל למען דעת צדקות יהוה: