אלה בקשו כתבם המתיחשים ולא נמצא ויגאלו מן הכהנה:

ויאמר התרשתא להם אשר לא יאכלו מקדש הקדשים עד עמד הכהן לאורים ותומים:

ויטהרו הכהנים והלוים ויטהרו את העם ואת השערים ואת החומה:

ויצו המלך את חלקיהו הכהן הגדול ואת כהני המשנה ואת שמרי הסף להוציא מהיכל יהוה את כל הכלים העשוים לבעל ולאשרה ולכל צבא השמים וישרפם מחוץ לירושלם בשדמות קדרון ונשא את עפרם בית אל:

ויאמר להם אתם ראשי האבות ללוים התקדשו אתם ואחיכם והעליתם את ארון יהוה אלהי ישראל אל הכינותי לו:

ויתקדשו הכהנים והלוים להעלות את ארון יהוה אלהי ישראל:

ויבא את הכהנים ואת הלוים ויאספם לרחוב המזרח:

ויאמר להם שמעוני הלוים עתה התקדשו וקדשו את בית יהוה אלהי אבתיכם והוציאו את הנדה מן הקדש:

וישחטום הכהנים ויחטאו את דמם המזבחה לכפר על כל ישראל כי לכל ישראל אמר המלך העולה והחטאת:

ויאמר חזקיהו להעלות העלה להמזבח ובעת החל העולה החל שיר יהוה והחצצרות ועל ידי כלי דויד מלך ישראל:

ויאמר יחזקיהו המלך והשרים ללוים להלל ליהוה בדברי דויד ואסף החזה ויהללו עד לשמחה ויקדו וישתחוו:

והיו מלכים אמניך ושרותיהם מיניקתיך אפים ארץ ישתחוו לך ועפר רגליך ילחכו וידעת כי אני יהוה אשר לא יבשו קוי:

וישוע הוליד את יויקים ויויקים הוליד את אלישיב ואלישיב את יוידע:

שמור את יום השבת לקדשו כאשר צוך יהוה אלהיך:

זכרה לי אלהי על זאת ואל תמח חסדי אשר עשיתי בבית אלהי ובמשמריו:

ולקרבן העצים בעתים מזמנות ולבכורים זכרה לי אלהי לטובה:

זכרה לי אלהי לטובה כל אשר עשיתי על העם הזה:

שיר המעלות זכור יהוה לדוד את כל ענותו:

אם אבא באהל ביתי אם אעלה על ערש יצועי:

עד אמצא מקום ליהוה משכנות לאביר יעקב:

ויאמר אנה יהוה זכר נא את אשר התהלכתי לפניך באמת ובלב שלם והטוב בעיניך עשיתי ויבך חזקיהו בכי גדול:

כי זאת היא תהלתנו עדות לבבנו אשר בתם וישר אלהים התהלכנו בעולם וביותר אתכם ולא בחכמת הבשר כי אם בחסד אלהים:

המלחמה הטובה נלחמתי את המרוצה השלמתי את האמונה שמרתי:

ומעתה שמור לי כתר הצדקה אשר ביום ההוא יתננו לי האדון השפט הצדיק ולא לי לבדי כי גם לכל אהבי הופעתו:

זכר רחמיך יהוה וחסדיך כי מעולם המה:

חטאות נעורי ופשעי אל תזכר כחסדך זכר לי אתה למען טובך יהוה:

למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי:

אם עונות תשמר יה אדני מי יעמד:

כי עמך הסליחה למען תורא:

יחל ישראל אל יהוה כי עם יהוה החסד והרבה עמו פדות:

מזמור לדוד יהוה שמע תפלתי האזינה אל תחנוני באמנתך ענני בצדקתך:

ואל תבוא במשפט את עבדך כי לא יצדק לפניך כל חי:

ואני ברב חסדך אבוא ביתך אשתחוה אל היכל קדשך ביראתך:

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח: