ואמרה ללוים אשר יהיו מטהרים ובאים שמרים השערים לקדש את יום השבת גם זאת זכרה לי אלהי וחוסה עלי כרב חסדך:

ולקרבן העצים בעתים מזמנות ולבכורים זכרה לי אלהי לטובה:

זכרה לי אלהי לטובה כל אשר עשיתי על העם הזה:

שאלו שלום ירושלם ישליו אהביך:

למען אחי ורעי אדברה נא שלום בך:

כי האלהים לא יעות צדק לשכח את מעשיכם ואת עמל אהבתכם אשר הראיתם לשמו ששרתם ועודכם משרתים את הקדשים:

המנצח ילבש בגדים לבנים ולא אמחה את שמו מספר החיים ואודה שמו לפני אבי ולפני מלאכיו:

ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש:

ויקברהו בעיר דויד עם המלכים כי עשה טובה בישראל ועם האלהים וביתו:

ויעש כזאת יחזקיהו בכל יהודה ויעש הטוב והישר והאמת לפני יהוה אלהיו:

ובכל מעשה אשר החל בעבודת בית האלהים ובתורה ובמצוה לדרש לאלהיו בכל לבבו עשה והצליח:

ושאר חשחות בית אלהך די יפל לך למנתן תנתן מן בית גנזי מלכא:

ולכם מהודעין די כל כהניא ולויא זמריא תרעיא נתיניא ופלחי בית אלהא דנה מנדה בלו והלך לא שליט למרמא עליהם:

ברוך יהוה אלהי אבותינו אשר נתן כזאת בלב המלך לפאר את בית יהוה אשר בירושלם:

שאלו שלום ירושלם ישליו אהביך:

למען אחי ורעי אדברה נא שלום בך: