ויגש הנביא אל מלך ישראל ויאמר לו לך התחזק ודע וראה את אשר תעשה כי לתשובת השנה מלך ארם עלה עליך:

ויהי לתשובת השנה ויפקד בן הדד את ארם ויעל אפקה למלחמה עם ישראל:

לי נקם ושלם לעת תמוט רגלם כי קרוב יום אידם וחש עתדת למו:

אז יעלה חזאל מלך ארם וילחם על גת וילכדה וישם חזאל פניו לעלות על ירושלם:

ויקח יהואש מלך יהודה את כל הקדשים אשר הקדישו יהושפט ויהורם ואחזיהו אבתיו מלכי יהודה ואת קדשיו ואת כל הזהב הנמצא באצרות בית יהוה ובית המלך וישלח לחזאל מלך ארם ויעל מעל ירושלם:

ואחרי מות יהוידע באו שרי יהודה וישתחוו למלך אז שמע המלך אליהם:

ויעזבו את בית יהוה אלהי אבותיהם ויעבדו את האשרים ואת העצבים ויהי קצף על יהודה וירושלם באשמתם זאת:

ועתה מלכים השכילו הוסרו שפטי ארץ:

עבדו את יהוה ביראה וגילו ברעדה:

ישמח צדיק כי חזה נקם פעמיו ירחץ בדם הרשע:

ויאמר אדם אך פרי לצדיק אך יש אלהים שפטים בארץ:

אני אמרתי אלהים אתם ובני עליון כלכם:

אכן כאדם תמותון וכאחד השרים תפלו: