מעל שער הסוסים החזיקו הכהנים איש לנגד ביתו:

ועתליהו אם אחזיהו ראתה כי מת בנה ותקם ותדבר את כל זרע הממלכה לבית יהודה:

ויאמר אדני בזק שבעים מלכים בהנות ידיהם ורגליהם מקצצים היו מלקטים תחת שלחני כאשר עשיתי כן שלם לי אלהים ויביאהו ירושלם וימת שם:

תאבד דברי כזב איש דמים ומרמה יתעב יהוה:

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך:

כי במשפט אשר אתם שפטים בו תשפטו ובמדה אשר אתם מדדים בה ימד לכם:

כי אין חסד בדין לאשר לא עשה חסד והחסד יתגאה על הדין:

ואשמע את מלאך המים אמר צדיק אתה ההוה והיה והקדוש כי כן שפטת:

ואשמע את המזבח אמר אמנם כן יהוה אלהים צבאות אמת וצדק משפטיך: