ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך:

ויאמר ירבעם לאשתו קומי נא והשתנית ולא ידעו כי אתי אשת ירבעם והלכת שלה הנה שם אחיה הנביא הוא דבר עלי למלך על העם הזה:

ותעש כן אשת ירבעם ותקם ותלך שלה ותבא בית אחיה ואחיהו לא יכל לראות כי קמו עיניו משיבו:

ויהי כשמע אחיהו את קול רגליה באה בפתח ויאמר באי אשת ירבעם למה זה את מתנכרה ואנכי שלוח אליך קשה:

וילך הנביא ויעמד למלך על הדרך ויתחפש באפר על עיניו:

ועין נאף שמרה נשף לאמר לא תשורני עין וסתר פנים ישים:

אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוה:

שוא ידברו איש את רעהו שפת חלקות בלב ולב ידברו:

כי יחנן קולו אל תאמן בו כי שבע תועבות בלבו:

ולא הסב יאשיהו פניו ממנו כי להלחם בו התחפש ולא שמע אל דברי נכו מפי אלהים ויבא להלחם בבקעת מגדו:

וירו הירים למלך יאשיהו ויאמר המלך לעבדיו העבירוני כי החליתי מאד: