הנה אני בונה בית לשם יהוה אלהי להקדיש לו להקטיר לפניו קטרת סמים ומערכת תמיד ועלות לבקר ולערב לשבתות ולחדשים ולמועדי יהוה אלהינו לעולם זאת על ישראל:

וזה אשר תעשה על המזבח כבשים בני שנה שנים ליום תמיד:

ועשית מזבח מקטר קטרת עצי שטים תעשה אתו:

וצפית אתו זהב טהור את גגו ואת קירתיו סביב ואת קרנתיו ועשית לו זר זהב סביב:

ועשית את הבדים עצי שטים וצפית אתם זהב:

והקטיר עליו אהרן קטרת סמים בבקר בבקר בהיטיבו את הנרת יקטירנה:

לא תעלו עליו קטרת זרה ועלה ומנחה ונסך לא תסכו עליו:

ונפש כי תקריב קרבן מנחה ליהוה סלת יהיה קרבנו ויצק עליה שמן ונתן עליה לבנה:

והנותרת מן המנחה לאהרן ולבניו קדש קדשים מאשי יהוה:

זאת עשו קחו לכם מחתות קרח וכל עדתו:

ויאמר משה אל אהרן קח את המחתה ותן עליה אש מעל המזבח ושים קטרת והולך מהרה אל העדה וכפר עליהם כי יצא הקצף מלפני יהוה החל הנגף:

וכמשפט עבודת הכהנים יצא גורלו להקטיר קטרת ויבא אל היכל יהוה:

ויבא מלאך אחר ויגש אל המזבח ומחתת זהב בידו ותנתן לו קטרת הרבה לתתה עם תפלות כל הקדשים על מזבח הזהב אשר לפני הכסא:

ויעל עשן הקטרת עם תפלות הקדשים מיד המלאך לפני אלהים:

ונתת על השלחן לחם פנים לפני תמיד:

ולקחת סלת ואפית אתה שתים עשרה חלות שני עשרנים יהיה החלה האחת:

ונתת על המערכת לבנה זכה והיתה ללחם לאזכרה אשה ליהוה:

והיתה לאהרן ולבניו ואכלהו במקום קדש כי קדש קדשים הוא לו מאשי יהוה חק עולם:

ועשית מנרת זהב טהור מקשה תעשה המנורה ירכה וקנה גביעיה כפתריה ופרחיה ממנה יהיו:

שלשה גבעים משקדים בקנה האחד כפתר ופרח ושלשה גבעים משקדים בקנה האחד כפתר ופרח כן לששת הקנים היצאים מן המנרה:

וכפתר תחת שני הקנים ממנה וכפתר תחת שני הקנים ממנה וכפתר תחת שני הקנים ממנה לששת הקנים היצאים מן המנרה:

ועשית את נרתיה שבעה והעלה את נרתיה והאיר על עבר פניה:

ככר זהב טהור יעשה אתה את כל הכלים האלה:

ואתה תצוה את בני ישראל ויקחו אליך שמן זית זך כתית למאור להעלת נר תמיד:

באהל מועד מחוץ לפרכת אשר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישראל:

צו את בני ישראל ויקחו אליך שמן זית זך כתית למאור להעלת נר תמיד:

על המנרה הטהרה יערך את הנרות לפני יהוה תמיד:

עקב אשר שמע אברהם בקלי וישמר משמרתי מצותי חקותי ותורתי:

ובהאריך הענן על המשכן ימים רבים ושמרו בני ישראל את משמרת יהוה ולא יסעו:

ולא שמרתם משמרת קדשי ותשימון לשמרי משמרתי במקדשי לכם:

והכהנים הלוים בני צדוק אשר שמרו את משמרת מקדשי בתעות בני ישראל מעלי המה יקרבו אלי לשרתני ועמדו לפני להקריב לי חלב ודם נאם אדני יהוה:

לכהנים המקדש מבני צדוק אשר שמרו משמרתי אשר לא תעו בתעות בני ישראל כאשר תעו הלוים: