צו את בני ישראל ונתנו ללוים מנחלת אחזתם ערים לשבת ומגרש לערים סביבתיהם תתנו ללוים:

ומגרשי הערים אשר תתנו ללוים מקיר העיר וחוצה אלף אמה סביב:

ולמשפחות בני קהת הלוים הנותרים מבני קהת ויהי ערי גורלם ממטה אפרים:

ואת קבצים ואת מגרשה ואת בית חורן ואת מגרשה ערים ארבע:

את אילון ואת מגרשה את גת רמון ואת מגרשה ערים ארבע:

כל ערים עשר ומגרשיהן למשפחות בני קהת הנותרים:

וממטה יששכר את קשיון ואת מגרשה את דברת ואת מגרשה:

וממטה אשר את משאל ואת מגרשה את עבדון ואת מגרשה:

וממטה נפתלי את עיר מקלט הרצח את קדש בגליל ואת מגרשה ואת חמת דאר ואת מגרשה ואת קרתן ואת מגרשה ערים שלש:

ולמשפחות בני מררי הלוים הנותרים מאת מטה זבולן את יקנעם ואת מגרשה את קרתה ואת מגרשה:

וממטה ראובן את בצר ואת מגרשה ואת יהצה ואת מגרשה:

וממטה גד את עיר מקלט הרצח את רמת בגלעד ואת מגרשה ואת מחנים ואת מגרשה:

כל הערים לבני מררי למשפחתם הנותרים ממשפחות הלוים ויהי גורלם ערים שתים עשרה:

תהיינה הערים האלה עיר עיר ומגרשיה סביבתיה כן לכל הערים האלה:

וממשפחות בני קהת ויהי ערי גבולם ממטה אפרים:

ואת יקמעם ואת מגרשיה ואת בית חורון ואת מגרשיה:

וממחצית מטה מנשה את ענר ואת מגרשיה ואת בלעם ואת מגרשיה למשפחת לבני קהת הנותרים:

וממטה יששכר את קדש ואת מגרשיה את דברת ואת מגרשיה:

וממטה אשר את משל ואת מגרשיה ואת עבדון ואת מגרשיה:

וממטה נפתלי את קדש בגליל ואת מגרשיה ואת חמון ואת מגרשיה ואת קריתים ואת מגרשיה:

ומעבר לירדן ירחו למזרח הירדן ממטה ראובן את בצר במדבר ואת מגרשיה ואת יהצה ואת מגרשיה:

וממטה גד את ראמות בגלעד ואת מגרשיה ואת מחנים ואת מגרשיה:

וכל מעשר הארץ מזרע הארץ מפרי העץ ליהוה הוא קדש ליהוה:

וכל מעשר בקר וצאן כל אשר יעבר תחת השבט העשירי יהיה קדש ליהוה:

אלה המצות אשר צוה יהוה את משה אל בני ישראל בהר סיני:

ולבני לוי הנה נתתי כל מעשר בישראל לנחלה חלף עבדתם אשר הם עבדים את עבדת אהל מועד:

ועבד הלוי הוא את עבדת אהל מועד והם ישאו עונם חקת עולם לדרתיכם ובתוך בני ישראל לא ינחלו נחלה:

וידבר יהוה אל משה לאמר:

ונחשב לכם תרומתכם כדגן מן הגרן וכמלאה מן היקב:

הלא הדחתם את כהני יהוה את בני אהרן והלוים ותעשו לכם כהנים כעמי הארצות כל הבא למלא ידו בפר בן בקר ואילם שבעה והיה כהן ללא אלהים:

ויועץ המלך ויעש שני עגלי זהב ויאמר אלהם רב לכם מעלות ירושלם הנה אלהיך ישראל אשר העלוך מארץ מצרים:

ויהי הדבר הזה לחטאת וילכו העם לפני האחד עד דן:

ויעש ירבעם חג בחדש השמיני בחמשה עשר יום לחדש כחג אשר ביהודה ויעל על המזבח כן עשה בבית אל לזבח לעגלים אשר עשה והעמיד בבית אל את כהני הבמות אשר עשה:

אחר הדבר הזה לא שב ירבעם מדרכו הרעה וישב ויעש מקצות העם כהני במות החפץ ימלא את ידו ויהי כהני במות: