ויעמידו הלוים את הימן בן יואל ומן אחיו אסף בן ברכיהו ומן בני מררי אחיהם איתן בן קושיהו:

והמשררים הימן אסף ואיתן במצלתים נחשת להשמיע:

ביום ההוא אז נתן דויד בראש להדות ליהוה ביד אסף ואחיו:

לבני אסף זכור ויוסף ונתניה ואשראלה בני אסף על יד אסף הנבא על ידי המלך:

למחלקות לשערים לקרחים משלמיהו בן קרא מן בני אסף:

והלוים המשררים לכלם לאסף להימן לידתון ולבניהם ולאחיהם מלבשים בוץ במצלתים ובנבלים וכנרות עמדים מזרח למזבח ועמהם כהנים למאה ועשרים מחצררים בחצצרות:

ויחזיאל בן זכריהו בן בניה בן יעיאל בן מתניה הלוי מן בני אסף היתה עליו רוח יהוה בתוך הקהל:

ומן בני אליצפן שמרי ויעואל ומן בני אסף זכריהו ומתניהו:

ויאמר יחזקיהו המלך והשרים ללוים להלל ליהוה בדברי דויד ואסף החזה ויהללו עד לשמחה ויקדו וישתחוו:

והמשררים בני אסף על מעמדם כמצות דויד ואסף והימן וידתון חוזה המלך והשערים לשער ושער אין להם לסור מעל עבדתם כי אחיהם הלוים הכינו להם:

המשררים בני אסף מאה עשרים ושמנה:

ויסדו הבנים את היכל יהוה ויעמידו הכהנים מלבשים בחצצרות והלוים בני אסף במצלתים להלל את יהוה על ידי דויד מלך ישראל:

המשררים בני אסף מאה ארבעים ושמנה:

ומתניה בן מיכה בן זבדי בן אסף ראש התחלה יהודה לתפלה ובקבקיה משנה מאחיו ועבדא בן שמוע בן גלל בן ידיתון:

ופקיד הלוים בירושלם עזי בן בני בן חשביה בן מתניה בן מיכא מבני אסף המשררים לנגד מלאכת בית האלהים:

ומבני הכהנים בחצצרות זכריה בן יונתן בן שמעיה בן מתניה בן מיכיה בן זכור בן אסף:

כי בימי דויד ואסף מקדם ראש המשררים ושיר תהלה והדות לאלהים:

מזמור לאסף אל אלהים יהוה דבר ויקרא ארץ ממזרח שמש עד מבאו:

מזמור לאסף אך טוב לישראל אלהים לברי לבב:

משכיל לאסף למה אלהים זנחת לנצח יעשן אפך בצאן מרעיתך:

למנצח אל תשחת מזמור לאסף שיר הודינו לך אלהים הודינו וקרוב שמך ספרו נפלאותיך:

למנצח בנגינת מזמור לאסף שיר נודע ביהודה אלהים בישראל גדול שמו:

למנצח על ידיתון לאסף מזמור קולי אל אלהים ואצעקה קולי אל אלהים והאזין אלי:

משכיל לאסף האזינה עמי תורתי הטו אזנכם לאמרי פי:

מזמור לאסף אלהים באו גוים בנחלתך טמאו את היכל קדשך שמו את ירושלם לעיים:

למנצח אל ששנים עדות לאסף מזמור רעה ישראל האזינה נהג כצאן יוסף ישב הכרובים הופיעה:

למנצח על הגתית לאסף הרנינו לאלהים עוזנו הריעו לאלהי יעקב:

מזמור לאסף אלהים נצב בעדת אל בקרב אלהים ישפט:

שיר מזמור לאסף אלהים אל דמי לך אל תחרש ואל תשקט אל: