ויתן לפני ארון יהוה מן הלוים משרתים ולהזכיר ולהודות ולהלל ליהוה אלהי ישראל:

ובניהו ויחזיאל הכהנים בחצצרות תמיד לפני ארון ברית האלהים:

ויעזב שם לפני ארון ברית יהוה לאסף ולאחיו לשרת לפני הארון תמיד לדבר יום ביומו:

ואת צדוק הכהן ואחיו הכהנים לפני משכן יהוה בבמה אשר בגבעון:

ועמהם הימן וידותון ושאר הברורים אשר נקבו בשמות להדות ליהוה כי לעולם חסדו:

ראו הליכותיך אלהים הליכות אלי מלכי בקדש:

קדמו שרים אחר נגנים בתוך עלמות תופפות:

ויוחנן הוליד את עזריה הוא אשר כהן בבית אשר בנה שלמה בירושלם:

ויבאו הכהנים את ארון ברית יהוה אל מקומו אל דביר הבית אל קדש הקדשים אל תחת כנפי הכרובים:

ויארכו הבדים ויראו ראשי הבדים מן הקדש על פני הדביר ולא יראו החוצה ויהיו שם עד היום הזה:

ויהי בצאת הכהנים מן הקדש והענן מלא את בית יהוה:

אז אמר שלמה יהוה אמר לשכן בערפל:

ואלה המשררים ראשי אבות ללוים בלשכת פטירים כי יומם ולילה עליהם במלאכה:

ויהי מספרם עם אחיהם מלמדי שיר ליהוה כל המבין מאתים שמונים ושמונה:

ויצא הגורל הראשון לאסף ליוסף גדליהו השני הוא ואחיו ובניו שנים עשר:

הרביעי ליצרי בניו ואחיו שנים עשר:

הששי בקיהו בניו ואחיו שנים עשר:

השמיני ישעיהו בניו ואחיו שנים עשר:

העשירי שמעי בניו ואחיו שנים עשר:

השנים עשר לחשביה בניו ואחיו שנים עשר:

לארבעה עשר מתתיהו בניו ואחיו שנים עשר:

לששה עשר לחנניהו בניו ואחיו שנים עשר:

לשמונה עשר לחנני בניו ואחיו שנים עשר:

לעשרים לאליתה בניו ואחיו שנים עשר:

לשנים ועשרים לגדלתי בניו ואחיו שנים עשר:

לארבעה ועשרים לרוממתי עזר בניו ואחיו שנים עשר:

ויעמד את הלוים בית יהוה במצלתים בנבלים ובכנרות במצות דויד וגד חזה המלך ונתן הנביא כי ביד יהוה המצוה ביד נביאיו:

ויאמר חזקיהו להעלות העלה להמזבח ובעת החל העולה החל שיר יהוה והחצצרות ועל ידי כלי דויד מלך ישראל:

וככלות להעלות כרעו המלך וכל הנמצאים אתו וישתחוו:

ויעמד יחזקיהו את מחלקות הכהנים והלוים על מחלקותם איש כפי עבדתו לכהנים וללוים לעלה ולשלמים לשרת ולהדות ולהלל בשערי מחנות יהוה:

והמשררים בני אסף על מעמדם כמצות דויד ואסף והימן וידתון חוזה המלך והשערים לשער ושער אין להם לסור מעל עבדתם כי אחיהם הלוים הכינו להם:

ויסדו הבנים את היכל יהוה ויעמידו הכהנים מלבשים בחצצרות והלוים בני אסף במצלתים להלל את יהוה על ידי דויד מלך ישראל:

ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה:

והקימו כהניא בפלגתהון ולויא במחלקתהון על עבידת אלהא די בירושלם ככתב ספר משה:

ומתניה בן מיכה בן זבדי בן אסף ראש התחלה יהודה לתפלה ובקבקיה משנה מאחיו ועבדא בן שמוע בן גלל בן ידיתון:

והשוערים עקוב טלמון ואחיהם השמרים בשערים מאה שבעים ושנים:

והנתינים ישבים בעפל וציחא וגשפא על הנתינים:

כי מצות המלך עליהם ואמנה על המשררים דבר יום ביומו:

ובחנכת חומת ירושלם בקשו את הלוים מכל מקומתם להביאם לירושלם לעשת חנכה ושמחה ובתודות ובשיר מצלתים נבלים ובכנרות:

ויאספו בני המשררים ומן הככר סביבות ירושלם ומן חצרי נטפתי:

וישמרו משמרת אלהיהם ומשמרת הטהרה והמשררים והשערים כמצות דויד שלמה בנו:

וכל ישראל בימי זרבבל ובימי נחמיה נתנים מניות המשררים והשערים דבר יום ביומו ומקדשים ללוים והלוים מקדשים לבני אהרן:

שיר המעלות הנה ברכו את יהוה כל עבדי יהוה העמדים בבית יהוה בלילות:

שאו ידכם קדש וברכו את יהוה:

הללו יה הללו את שם יהוה הללו עבדי יהוה:

הללו יה כי טוב יהוה זמרו לשמו כי נעים: