ברוך יהוה אלהי ישראל מן העולם ועד העלם ויאמרו כל העם אמן והלל ליהוה:

ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו:

שאו ידכם קדש וברכו את יהוה:

בית ישראל ברכו את יהוה בית אהרן ברכו את יהוה:

ברוך יהוה מציון שכן ירושלם הללו יה:

תהלה לדוד ארוממך אלוהי המלך ואברכה שמך לעולם ועד:

גדול יהוה ומהלל מאד ולגדלתו אין חקר:

הדר כבוד הודך ודברי נפלאותיך אשיחה:

זכר רב טובך יביעו וצדקתך ירננו:

טוב יהוה לכל ורחמיו על כל מעשיו:

כבוד מלכותך יאמרו וגבורתך ידברו:

מלכותך מלכות כל עלמים וממשלתך בכל דור ודור:

עיני כל אליך ישברו ואתה נותן להם את אכלם בעתו:

צדיק יהוה בכל דרכיו וחסיד בכל מעשיו:

רצון יראיו יעשה ואת שועתם ישמע ויושיעם:

תהלת יהוה ידבר פי ויברך כל בשר שם קדשו לעולם ועד:

יהללו את שם יהוה כי נשגב שמו לבדו הודו על ארץ ושמים:

וירם קרן לעמו תהלה לכל חסידיו לבני ישראל עם קרבו הללו יה:

ויקד האיש וישתחו ליהוה:

ואקד ואשתחוה ליהוה ואברך את יהוה אלהי אדני אברהם אשר הנחני בדרך אמת לקחת את בת אחי אדני לבנו:

ויאמן העם וישמעו כי פקד יהוה את בני ישראל וכי ראה את ענים ויקדו וישתחוו:

מזמור לדוד הבו ליהוה בני אלים הבו ליהוה כבוד ועז:

הבו ליהוה כבוד שמו השתחוו ליהוה בהדרת קדש:

באו נשתחוה ונכרעה נברכה לפני יהוה עשנו:

וירא ישראל את היד הגדלה אשר עשה יהוה במצרים וייראו העם את יהוה ויאמינו ביהוה ובמשה עבדו:

ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואל:

ירא את יהוה בני ומלך עם שונים אל תתערב:

נהגו כבוד בכל איש אהבו את האחים יראו את אלהים כבדו את המלך: