ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד:

וזכרת את כל הדרך אשר הליכך יהוה אלהיך זה ארבעים שנה במדבר למען ענתך לנסתך לדעת את אשר בלבבך התשמר מצותו אם לא:

ויאמר יהוה אל שמואל אל תבט אל מראהו ואל גבה קומתו כי מאסתיהו כי לא אשר יראה האדם כי האדם יראה לעינים ויהוה יראה ללבב:

יגמר נא רע רשעים ותכונן צדיק ובחן לבות וכליות אלהים צדיק:

הן אמת חפצת בטחות ובסתם חכמה תודיעני:

כל דרכי איש זך בעיניו ותכן רוחות יהוה:

כל דרך איש ישר בעיניו ותכן לבות יהוה:

אני יהוה חקר לב בחן כליות ולתת לאיש כדרכו כפרי מעלליו:

כי דבר האלהים חי הוא ופעל גבורות וחד מחרב פיפיות ונכנס עד להבדיל בין נפש לרוח ובין הדבקים למוח ובחן מחשבות לבב ומזמותיו:

והרגתי במות את בניה וידעו כל הקהלות כי אני חקר כליות ולב ונתתי לכם לכל איש כפרי מעלליו:

תועבת יהוה עקשי לב ורצונו תמימי דרך:

זבח רשעים תועבת יהוה ותפלת ישרים רצונו:

תועבת יהוה דרך רשע ומרדף צדקה יאהב:

וירא ישוע את נתנאל בא לקראתו ויאמר עליו הנה באמת בן ישראל אשר אין בו רמיה:

ובזאת גם עמלתי להיות תמים לב לאלהים ולאדם תמיד:

כי זאת היא תהלתנו עדות לבבנו אשר בתם וישר אלהים התהלכנו בעולם וביותר אתכם ולא בחכמת הבשר כי אם בחסד אלהים:

עדים אתם ועד האלהים כי בקדש ובצדק ובתמים היינו עמכם המאמינים:

וישמחו העם על התנדבם כי בלב שלם התנדבו ליהוה וגם דויד המלך שמח שמחה גדולה:

כי שמחה גדולה ונחמה יש לנו באהבתך באשר היתה רוחה למעי הקדושים אחי על ידיך:

כן אחי אהנה נא ממך באדון נחם נא את מעי באדון: