ויהי בבואם וירא את אליאב ויאמר אך נגד יהוה משיחו:

ויקרא ישי אל אבינדב ויעברהו לפני שמואל ויאמר גם בזה לא בחר יהוה:

ויעבר ישי שבעת בניו לפני שמואל ויאמר שמואל אל ישי לא בחר יהוה באלה:

וישלח ויביאהו והוא אדמוני עם יפה עינים וטוב ראי ויאמר יהוה קום משחהו כי זה הוא:

ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל:

ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה:

כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו:

אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם:

ונאמן ביתך וממלכתך עד עולם לפניך כסאך יהיה נכון עד עולם:

ויבחר את שבט יהודה את הר ציון אשר אהב:

ויבחר בדוד עבדו ויקחהו ממכלאת צאן:

וירעם כתם לבבו ובתבונות כפיו ינחם:

בשמך יגילון כל היום ובצדקתך ירומו:

כי ליהוה מגננו ולקדוש ישראל מלכנו:

מצאתי דוד עבדי בשמן קדשי משחתיו:

לא ישא אויב בו ובן עולה לא יעננו:

ואמונתי וחסדי עמו ובשמי תרום קרנו:

הוא יקראני אבי אתה אלי וצור ישועתי:

כי יהודה גבר באחיו ולנגיד ממנו והבכרה ליוסף:

יהודה אתה יודוך אחיך ידך בערף איביך ישתחוו לך בני אביך:

לא יסור שבט מיהודה ומחקק מבין רגליו עד כי יבא שילה ולו יקהת עמים:

לי גלעד ולי מנשה ואפרים מעוז ראשי יהודה מחקקי:

לי גלעד לי מנשה ואפרים מעוז ראשי יהודה מחקקי:

כי גלוי לכל אשר אדנינו זרח מיהודה מן השבט אשר משה לא דבר אליו דבר על הכהנה:

ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך:

ויבאו הזפים אל שאול הגבעתה לאמר הלוא דוד מסתתר בגבעת החכילה על פני הישימן:

וישלח ויביאהו והוא אדמוני עם יפה עינים וטוב ראי ויאמר יהוה קום משחהו כי זה הוא:

ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה:

ויוציאני למרחב יחלצני כי חפץ בי:

לא בגבורת הסוס יחפץ לא בשוקי האיש ירצה:

רוצה יהוה את יראיו את המיחלים לחסדו: