כי מעמדם ליד בני אהרן לעבדת בית יהוה על החצרות ועל הלשכות ועל טהרת לכל קדש ומעשה עבדת בית האלהים:

ולעמד בבקר בבקר להדות ולהלל ליהוה וכן לערב:

ושמרו את משמרת אהל מועד ואת משמרת הקדש ומשמרת בני אהרן אחיהם לעבדת בית יהוה:

ואחיהם הלוים נתונים לכל עבודת משכן בית האלהים:

ומהם על כלי העבודה כי במספר יביאום ובמספר יוציאום:

ומן בני הכהנים רקחי המרקחת לבשמים:

ומן בני הקהתי מן אחיהם על לחם המערכת להכין שבת שבת:

והלוים אחיה על אוצרות בית האלהים ולאצרות הקדשים:

בני יחיאלי זתם ויואל אחיו על אצרות בית יהוה:

ושבאל בן גרשום בן משה נגיד על האצרות:

הוא שלמות ואחיו על כל אצרות הקדשים אשר הקדיש דויד המלך וראשי האבות לשרי האלפים והמאות ושרי הצבא:

ויואל בן זכרי פקיד עליהם ויהודה בן הסנואה על העיר משנה:

ופקיד הלוים בירושלם עזי בן בני בן חשביה בן מתניה בן מיכא מבני אסף המשררים לנגד מלאכת בית האלהים:

לכן שמרו את נפשותיכם ואת כל העדר אשר הקים אתכם רוח הקדש לפקידים בו לרעות את עדת האלהים אשר קנה לו בדם נפשו:

ליצהרי כנניהו ובניו למלאכה החיצונה על ישראל לשטרים ולשפטים:

לחברוני יריה הראש לחברוני לתלדתיו לאבות בשנת הארבעים למלכות דויד נדרשו וימצא בהם גבורי חיל ביעזיר גלעד:

שפטים ושטרים תתן לך בכל שעריך אשר יהוה אלהיך נתן לך לשבטיך ושפטו את העם משפט צדק:

כי יפלא ממך דבר למשפט בין דם לדם בין דין לדין ובין נגע לנגע דברי ריבת בשעריך וקמת ועלית אל המקום אשר יבחר יהוה אלהיך בו:

ועשית על פי הדבר אשר יגידו לך מן המקום ההוא אשר יבחר יהוה ושמרת לעשות ככל אשר יורוך:

וגם בירושלם העמיד יהושפט מן הלוים והכהנים ומראשי האבות לישראל למשפט יהוה ולריב וישבו ירושלם:

כי שפתי כהן ישמרו דעת ותורה יבקשו מפיהו כי מלאך יהוה צבאות הוא: