וידבר יהוה אל משה לאמר:

ושמת שם את ארון העדות וסכת על הארן את הפרכת:

ונתתה את מזבח הזהב לקטרת לפני ארון העדת ושמת את מסך הפתח למשכן:

ונתת את הכיר בין אהל מועד ובין המזבח ונתת שם מים:

ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש:

ומשחת את הכיר ואת כנו וקדשת אתו:

והלבשת את אהרן את בגדי הקדש ומשחת אתו וקדשת אתו וכהן לי:

ומשחת אתם כאשר משחת את אביהם וכהנו לי והיתה להית להם משחתם לכהנת עולם לדרתם:

ויהי בחדש הראשון בשנה השנית באחד לחדש הוקם המשכן:

ויפרש את האהל על המשכן וישם את מכסה האהל עליו מלמעלה כאשר צוה יהוה את משה:

ויבא את הארן אל המשכן וישם את פרכת המסך ויסך על ארון העדות כאשר צוה יהוה את משה:

ויערך עליו ערך לחם לפני יהוה כאשר צוה יהוה את משה:

ויעל הנרת לפני יהוה כאשר צוה יהוה את משה:

ויקטר עליו קטרת סמים כאשר צוה יהוה את משה:

ואת מזבח העלה שם פתח משכן אהל מועד ויעל עליו את העלה ואת המנחה כאשר צוה יהוה את משה:

ורחצו ממנו משה ואהרן ובניו את ידיהם ואת רגליהם:

ויקם את החצר סביב למשכן ולמזבח ויתן את מסך שער החצר ויכל משה את המלאכה:

ולא יכל משה לבוא אל אהל מועד כי שכן עליו הענן וכבוד יהוה מלא את המשכן:

ואם לא יעלה הענן ולא יסעו עד יום העלתו:

ואת צדוק הכהן ואחיו הכהנים לפני משכן יהוה בבמה אשר בגבעון:

וילך המלך גבענה לזבח שם כי היא הבמה הגדולה אלף עלות יעלה שלמה על המזבח ההוא:

ויאמר שלמה אתה עשית עם עבדך דוד אבי חסד גדול כאשר הלך לפניך באמת ובצדקה ובישרת לבב עמך ותשמר לו את החסד הגדול הזה ותתן לו בן ישב על כסאו כיום הזה:

ועבדך בתוך עמך אשר בחרת עם רב אשר לא ימנה ולא יספר מרב:

וייטב הדבר בעיני אדני כי שאל שלמה את הדבר הזה:

הנה עשיתי כדבריך הנה נתתי לך לב חכם ונבון אשר כמוך לא היה לפניך ואחריך לא יקום כמוך:

ואם תלך בדרכי לשמר חקי ומצותי כאשר הלך דויד אביך והארכתי את ימיך:

וילכו שלמה וכל הקהל עמו לבמה אשר בגבעון כי שם היה אהל מועד האלהים אשר עשה משה עבד יהוה במדבר:

ויבא שלמה לבמה אשר בגבעון ירושלם מלפני אהל מועד וימלך על ישראל: