ותקטן זאת בעיניך אלהים ותדבר על בית עבדך למרחוק וראיתני כתור האדם המעלה יהוה אלהים:

ונאמן ביתך וממלכתך עד עולם לפניך כסאך יהיה נכון עד עולם:

מצאתי דוד עבדי בשמן קדשי משחתיו:

לא ישא אויב בו ובן עולה לא יעננו:

ואמונתי וחסדי עמו ובשמי תרום קרנו:

הוא יקראני אבי אתה אלי וצור ישועתי:

לעולם אשמור לו חסדי ובריתי נאמנת לו:

אם יעזבו בניו תורתי ובמשפטי לא ילכון:

ופקדתי בשבט פשעם ובנגעים עונם:

לא אחלל בריתי ומוצא שפתי לא אשנה:

זרעו לעולם יהיה וכסאו כשמש נגדי:

יזל מים מדליו וזרעו במים רבים וירם מאגג מלכו ותנשא מלכתו:

ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל:

יהי יהוה אלהיך ברוך אשר חפץ בך לתתך על כסא ישראל באהבת יהוה את ישראל לעלם וישימך למלך לעשות משפט וצדקה:

ויאמר חורם מלך צר בכתב וישלח אל שלמה באהבת יהוה את עמו נתנך עליהם מלך:

כי אם החרש תחרישי בעת הזאת רוח והצלה יעמוד ליהודים ממקום אחר ואת ובית אביך תאבדו ומי יודע אם לעת כזאת הגעת למלכות:

ואשיבה ידי עליך ואצרף כבר סיגיך ואסירה כל בדיליך:

ציון במשפט תפדה ושביה בצדקה:

ואנה לא בחכמה די איתי בי מן כל חייא רזא דנה גלי לי להן על דברת די פשרא למלכא יהודעון ורעיוני לבבך תנדע: