ותהי המלחמה ארכה בין בית שאול ובין בית דוד ודוד הלך וחזק ובית שאול הלכים ודלים:

וילך דוד הלוך וגדול ויהוה אלהי צבאות עמו:

ויאחז צדיק דרכו וטהר ידים יסיף אמץ:

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת:

ופינחס בן אלעזר נגיד היה עליהם לפנים יהוה עמו:

יהוה צבאות עמנו משגב לנו אלהי יעקב סלה:

יהוה צבאות עמנו משגב לנו אלהי יעקב סלה:

רעו עמים וחתו והאזינו כל מרחקי ארץ התאזרו וחתו התאזרו וחתו:

עצו עצה ותפר דברו דבר ולא יקום כי עמנו אל:

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי:

אל תיראי תולעת יעקב מתי ישראל אני עזרתיך נאם יהוה וגאלך קדוש ישראל:

ועתה מה נאמר על זאת אם האלהים לנו מי יריב אתנו: