ויושע יהוה ביום ההוא את ישראל והמלחמה עברה את בית און:

וישם את נפשו בכפו ויך את הפלשתי ויעש יהוה תשועה גדולה לכל ישראל ראית ותשמח ולמה תחטא בדם נקי להמית את דוד חנם:

הוא קם ויך בפלשתים עד כי יגעה ידו ותדבק ידו אל החרב ויעש יהוה תשועה גדולה ביום ההוא והעם ישבו אחריו אך לפשט:

ונעמן שר צבא מלך ארם היה איש גדול לפני אדניו ונשא פנים כי בו נתן יהוה תשועה לארם והאיש היה גבור חיל מצרע:

מגדל ישועות מלכו ועשה חסד למשיחו לדוד ולזרעו עד עולם:

הנותן תשועה למלכים הפוצה את דוד עבדו מחרב רעה:

סוס מוכן ליום מלחמה וליהוה התשועה: