ויאמר נתן אל המלך כל אשר בלבבך לך עשה כי יהוה עמך:

לך ואמרת אל עבדי אל דוד כה אמר יהוה האתה תבנה לי בית לשבתי:

ויאמר נתן אל דויד כל אשר בלבבך עשה כי האלהים עמך:

לך ואמרת אל דויד עבדי כה אמר יהוה לא אתה תבנה לי הבית לשבת:

ויאמר לא כי אני שר צבא יהוה עתה באתי ויפל יהושע אל פניו ארצה וישתחו ויאמר לו מה אדני מדבר אל עבדו:

ויאמר שר צבא יהוה אל יהושע של נעלך מעל רגלך כי המקום אשר אתה עמד עליו קדש הוא ויעש יהושע כן:

כעת מחר אשלח אליך איש מארץ בנימן ומשחתו לנגיד על עמי ישראל והושיע את עמי מיד פלשתים כי ראיתי את עמי כי באה צעקתו אלי:

ויקח שמואל את פך השמן ויצק על ראשו וישקהו ויאמר הלוא כי משחך יהוה על נחלתו לנגיד:

גם אתמול גם שלשום בהיות שאול מלך עלינו אתה הייתה מוציא והמבי את ישראל ויאמר יהוה לך אתה תרעה את עמי את ישראל ואתה תהיה לנגיד על ישראל:

והנה עמנו בראש האלהים וכהניו וחצצרות התרועה להריע עליכם בני ישראל אל תלחמו עם יהוה אלהי אבתיכם כי לא תצליחו:

כי נאה היה לו אשר הכל למענו והכל על ידו בהנחתו בנים רבים לכבוד להשלים בענוים את שר ישועתם:

ובשמונה שנים למלכו והוא עודנו נער החל לדרוש לאלהי דויד אביו ובשתים עשרה שנה החל לטהר את יהודה וירושלם מן הבמות והאשרים והפסלים והמסכות:

הלוך ואמרת אל חזקיהו כה אמר יהוה אלהי דוד אביך שמעתי את תפלתך ראיתי את דמעתך הנני יוסף על ימיך חמש עשרה שנה:

הטו אזנכם ולכו אלי שמעו ותחי נפשכם ואכרתה לכם ברית עולם חסדי דוד הנאמנים:

אנכי אלהי אברהם ואלהי יצחק ואלהי יעקב והוא איננו אלהי המתים כי אם אלהי החיים:

וישלח ישעיהו בן אמוץ אל חזקיהו לאמר כה אמר יהוה אלהי ישראל אשר התפללת אלי אל סנחרב מלך אשור שמעתי:

שמע תפלה עדיך כל בשר יבאו:

אכן שמע אלהים הקשיב בקול תפלתי:

ברוך אלהים אשר לא הסיר תפלתי וחסדו מאתי:

ויאמר אליו המלאך אל תירא זכריהו כי נשמעה תפלתך ואלישבע אשתך תלד לך בן וקראת שמו יוחנן:

שמעה תפלתי יהוה ושועתי האזינה אל דמעתי אל תחרש כי גר אנכי עמך תושב ככל אבותי:

נדי ספרתה אתה שימה דמעתי בנאדך הלא בספרתך:

הזרעים בדמעה ברנה יקצרו:

כי השה אשר בתוך הכסא הוא ירעם ועל מבועי מים חיים ינהלם ומחה אליהם כל דמעה מעיניהם:

ויאמר ישעיהו קחו דבלת תאנים ויקחו וישימו על השחין ויחי:

ויאמר אם שמוע תשמע לקול יהוה אלהיך והישר בעיניו תעשה והאזנת למצותיו ושמרת כל חקיו כל המחלה אשר שמתי במצרים לא אשים עליך כי אני יהוה רפאך:

ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל:

והוכח במכאוב על משכבו וריב עצמיו אתן:

יכל בשרו מראי ושפי עצמותיו לא ראו:

אם יש עליו מלאך מליץ אחד מני אלף להגיד לאדם ישרו:

רטפש בשרו מנער ישוב לימי עלומיו:

הרפא לשבורי לב ומחבש לעצבותם:

איש כי יחלה בכם יקרא את זקני הקהלה ויתפללו בעדו ויסוכהו שמן בשם יהוה:

ותפלת האמונה תושיע את החולה ויהוה יקימנו ואשר חטא יסלח לו:

ויאמר חזקיהו אל ישעיהו מה אות כי ירפא יהוה לי ועליתי ביום השלישי בית יהוה:

אבוא ביתך בעולות אשלם לך נדרי:

עלות מחים אעלה לך עם קטרת אילים אעשה בקר עם עתודים סלה:

מה אשיב ליהוה כל תגמולוהי עלי:

נדרי ליהוה אשלם נגדה נא לכל עמו:

לא אמות כי אחיה ואספר מעשי יה:

פתחו לי שערי צדק אבא בם אודה יה:

ויאמר חזקיהו מה אות כי אעלה בית יהוה:

ויהי אחרי כן וימצאהו ישוע בבית המקדש ויאמר אליו הנה נרפא לך אל תוסיף לחטא פן תאנה אליך רעה גדולה מזאת: