והספתי על ימיך חמש עשרה שנה ומכף מלך אשור אצילך ואת העיר הזאת וגנותי על העיר הזאת למעני ולמען דוד עבדי:

אלהים בקרבה בל תמוט יעזרה אלהים לפנות בקר:

המו גוים מטו ממלכות נתן בקולו תמוג ארץ:

יפה נוף משוש כל הארץ הר ציון ירכתי צפון קרית מלך רב:

כי הנה המלכים נועדו עברו יחדו:

רעדה אחזתם שם חיל כיולדה:

כאשר שמענו כן ראינו בעיר יהוה צבאות בעיר אלהינו אלהים יכוננה עד עולם סלה:

כצפרים עפות כן יגן יהוה צבאות על ירושלם גנון והציל פסח והמליט:

ומכף מלך אשור אצילך ואת העיר הזאת וגנותי על העיר הזאת:

לולי כעס אויב אגור פן ינכרו צרימו פן יאמרו ידינו רמה ולא יהוה פעל כל זאת:

אנכי אנכי הוא מחה פשעיך למעני וחטאתיך לא אזכר:

למען שמי אאריך אפי ותהלתי אחטם לך לבלתי הכריתך:

למעני למעני אעשה כי איך יחל וכבודי לאחר לא אתן:

לכן אמר לבית ישראל כה אמר אדני יהוה לא למענכם אני עשה בית ישראל כי אם לשם קדשי אשר חללתם בגוים אשר באתם שם:

לתהלת כבוד חסדו אשר נתן אתנו בידידו:

כי זה ערבון ירשתנו לפדות לו עם סגלה לתהלת כבודו:

אך בימיך לא אעשנה למען דוד אביך מיד בנך אקרענה:

רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתי:

כי למען דוד נתן יהוה אלהיו לו ניר בירושלם להקים את בנו אחריו ולהעמיד את ירושלם:

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת:

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ:

בימיו תושע יהודה וישראל ישכן לבטח וזה שמו אשר יקראו יהוה צדקנו:

גם בריתי תפר את דוד עבדי מהיות לו בן מלך על כסאו ואת הלוים הכהנים משרתי:

גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב את שבותם ורחמתים: