ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם:

ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך:

ויאמר ברוך יהוה אלהי ישראל אשר דבר בפיו את דויד אבי ובידיו מלא לאמר:

וביום הרבעי נקהלו לעמק ברכה כי שם ברכו את יהוה על כן קראו את שם המקום ההוא עמק ברכה עד היום:

ויאמרו הלוים ישוע וקדמיאל בני חשבניה שרביה הודיה שבניה פתחיה קומו ברכו את יהוה אלהיכם מן העולם עד העולם ויברכו שם כבודך ומרומם על כל ברכה ותהלה:

ברוך יהוה אלהי ישראל מהעולם ועד העולם אמן ואמן:

ברוך יהוה אלהים אלהי ישראל עשה נפלאות לבדו:

וברוך שם כבודו לעולם וימלא כבודו את כל הארץ אמן ואמן:

ואנחנו נברך יה מעתה ועד עולם הללו יה:

הללו את יהוה כל גוים שבחוהו כל האמים:

כי גבר עלינו חסדו ואמת יהוה לעולם הללו יה:

ברוך יהוה אלהי ישראל כי פקד את עמו וישלח לו פדות:

ברוך הוא האלהים ואבי אדנינו ישוע המשיח אשר ברכנו בכל ברכת רוח במרומים במשיח:

ברוך האלהים אבי אדנינו ישוע המשיח אשר כרב רחמיו שב והוליד אתנו לתקוה חיה בהקמת ישוע המשיח מעם המתים:

לך ואמרת אל עבדי אל דוד כה אמר יהוה האתה תבנה לי בית לשבתי:

ועתה יהוה אלהים הדבר אשר דברת על עבדך ועל ביתו הקם עד עולם ועשה כאשר דברת:

ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאת:

ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם:

הוא יבנה לי בית וכננתי את כסאו עד עולם:

ואם תמאנו ומריתם חרב תאכלו כי פי יהוה דבר:

כאשר דבר בפי נביאיו הקדושים אשר מעולם:

לא נפל דבר מכל הדבר הטוב אשר דבר יהוה אל בית ישראל הכל בא:

והיה כאשר בא עליכם כל הדבר הטוב אשר דבר יהוה אלהיכם אליכם כן יביא יהוה עליכם את כל הדבר הרע עד השמידו אותכם מעל האדמה הטובה הזאת אשר נתן לכם יהוה אלהיכם:

בעברכם את ברית יהוה אלהיכם אשר צוה אתכם והלכתם ועבדתם אלהים אחרים והשתחויתם להם וחרה אף יהוה בכם ואבדתם מהרה מעל הארץ הטובה אשר נתן לכם:

אשתחוה אל היכל קדשך ואודה את שמך על חסדך ועל אמתך כי הגדלת על כל שמך אמרתך:

השמים והארץ יעברו ודברי לא יעברון:

תמך בישראל עבדו לזכר את רחמיו:

כאשר דבר אל אבותינו לאברהם ולזרעו עד עולם:

לעשות חסד עם אבותינו ולזכר את ברית קדשו: