וירא יהוה אל שלמה שנית כאשר נראה אליו בגבעון:

ויחלם והנה סלם מצב ארצה וראשו מגיע השמימה והנה מלאכי אלהים עלים וירדים בו:

והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשר אתה שכב עליה לך אתננה ולזרעך:

ויאמר שמעו נא דברי אם יהיה נביאכם יהוה במראה אליו אתודע בחלום אדבר בו:

כי באחת ידבר אל ובשתים לא ישורנה:

בחלום חזיון לילה בנפל תרדמה על אנשים בתנומות עלי משכב:

הוא חשב כזאת והנה מלאך יהוה נראה אליו בחלום ויאמר יוסף בן דוד אל תירא מכנוס אליך את מרים אשתך כי אשר הרה בה מרוח הקדש הוא:

הם הלכו משם והנה מלאך יהוה נראה אל יוסף בחלום לאמר קום קח את הילד ואת אמו וברח לך מצרימה והיה שם עד אשר אמר אליך כי הורדוס צדה את הילד לאבדו:

ויהי אחרי מות הורדוס והנה מלאך יהוה נראה בחלום אל יוסף בארץ מצרים:

בלילה ההוא נראה אלהים לשלמה ויאמר לו שאל מה אתן לך:

עתה יהוה אלהים יאמן דברך עם דויד אבי כי אתה המלכתני על עם רב כעפר הארץ:

ויאמר אלהים לשלמה יען אשר היתה זאת עם לבבך ולא שאלת עשר נכסים וכבוד ואת נפש שנאיך וגם ימים רבים לא שאלת ותשאל לך חכמה ומדע אשר תשפוט את עמי אשר המלכתיך עליו:

שאלו וינתן לכם דרשו ותמצאו דפקו ויפתח לכם:

כי כל השאל יקבל והדרש ימצא והדפק יפתח לו:

ויאמר אליהם מה אויתם כי אעשה לכם:

ויאמר אליהם ישוע לא ידעתם את אשר שאלתם היכל תוכלו לשתות את הכוס אשר אני שתה ולהטבל בטבילה אשר אני נטבל בה:

אך שבת לימיני ולשמאלי אין בידי לתתה בלתי לאשר הוכן להם:

ויקרא להם ישוע ויאמר אליהם אתם ידעתם כי הנחשבים לשרי הגוים הם רדים בהם וגדוליהם שולטים עליהם:

והחפץ להיות בכם ראשון יהיה עבד לכל:

ויבאו יריחו ויהי כצאתו מיריחו הוא ותלמידיו והמון עם רב והנה ברטימי בן טימי איש עור ישב על יד הדרך לשאל נדבות:

ויגערו בו רבים להשתיקו והוא הרבה לצעק בן דוד חנני:

וישלך את שמלתו מעליו ויקם ויבא אל ישוע:

על כן אני אמר לכם כל אשר תשאלו בהתפללכם האמינו כי תקחו ויהי לכם:

וכל אשר תשאלו בשמי אעשנו למען יכבד האב בבנו:

כי תשאלו דבר בשמי אני אעשנו:

לא אתם בחרתם בי כי אם אנכי בחרתי בכם והפקדתי אתכם ללכת ולעשות פרי ופריכם יקום והיה כל אשר תשאלו מאבי בשמי יתן לכם:

ואיש מכם כי יחסר חכמה יבקשנה מאלהים הנותן לכל בנדיבה ובאין גערה ותנתן לו:

רק יבקש באמונה ובבלי ספק כי בעל ספק דומה לגלי הים הסער והנגרש:

וזה הוא בטחוננו אליו אשר אם נשאל דבר כפי רצונו ישמענו:

ומדעתנו כי ישמענו לכל אשר נשאל נדע גם זאת כי נשיג את המשאלות אשר שאלנו ממנו: