ואשלחהו בשרירות לבם ילכו במועצותיהם:

אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם:

אפרים כעוף יתעופף כבודם מלדה ומבטן ומהריון:

כי אם יגדלו את בניהם ושכלתים מאדם כי גם אוי להם בשורי מהם:

הכה אפרים שרשם יבש פרי בלי יעשון גם כי ילדון והמתי מחמדי בטנם:

ימאסם אלהי כי לא שמעו לו ויהיו נדדים בגוים:

ויהי הדבר הזה לחטאת וילכו העם לפני האחד עד דן:

ויהי בדבר הזה לחטאת בית ירבעם ולהכחיד ולהשמיד מעל פני האדמה:

על חטאות ירבעם אשר חטא ואשר החטיא את ישראל בכעסו אשר הכעיס את יהוה אלהי ישראל:

ויעש הרע בעיני יהוה וילך בדרך ירבעם ובחטאתו אשר החטיא את ישראל:

יען אשר הרימתיך מן העפר ואתנך נגיד על עמי ישראל ותלך בדרך ירבעם ותחטא את עמי ישראל להכעיסני בחטאתם:

ויאמר משה אל אהרן מה עשה לך העם הזה כי הבאת עליו חטאה גדלה:

ויגף יהוה את העם על אשר עשו את העגל אשר עשה אהרן:

הנביאים נבאו בשקר והכהנים ירדו על ידיהם ועמי אהבו כן ומה תעשו לאחריתה:

עשוק אפרים רצוץ משפט כי הואיל הלך אחרי צו:

ואני כעש לאפרים וכרקב לבית יהודה:

וישתמר חקות עמרי וכל מעשה בית אחאב ותלכו במעצותם למען תתי אתך לשמה וישביה לשרקה וחרפת עמי תשאו:

אוי לעולם מפני המכשלים כי המכשלים צריכים לבוא אבל אוי לאיש ההוא אשר על ידו יבוא המכשול:

לכן אל נדין עוד איש את רעהו כי אם זה יהי דינכם שלא יתן איש לפני אחיו מכשול או מוקש: