ושם נקרא איש בליעל ושמו שבע בן בכרי איש ימיני ויתקע בשפר ויאמר אין לנו חלק בדוד ולא נחלה לנו בבן ישי איש לאהליו ישראל:

וכל ישראל כי לא שמע המלך להם וישיבו העם את המלך לאמר מה לנו חלק בדויד ולא נחלה בבן ישי איש לאהליך ישראל עתה ראה ביתך דויד וילך כל ישראל לאהליו:

ויאמר ראיתי את כל ישראל נפצים אל ההרים כצאן אשר אין להם רעה ויאמר יהוה לא אדנים לאלה ישובו איש לביתו בשלום:

ויעבר הרנה במחנה כבא השמש לאמר איש אל עירו ואיש אל ארצו:

רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתי:

ולא אקח את כל הממלכה מידו כי נשיא אשתנו כל ימי חייו למען דוד עבדי אשר בחרתי אתו אשר שמר מצותי וחקתי:

ולבנו אתן שבט אחד למען היות ניר לדויד עבדי כל הימים לפני בירושלם העיר אשר בחרתי לי לשום שמי שם:

ואענה את זרע דוד למען זאת אך לא כל הימים:

וחסדי לא יסור ממנו כאשר הסרתי מעם שאול אשר הסרתי מלפניך:

ונאמן ביתך וממלכתך עד עולם לפניך כסאך יהיה נכון עד עולם:

למה רגשו גוים ולאמים יהגו ריק:

ננתקה את מוסרותימו ונשליכה ממנו עבתימו:

אז ידבר אלימו באפו ובחרונו יבהלמו:

כי חמת אדם תודך שארית חמת תחגר:

ושמתי לעד זרעו וכסאו כימי שמים:

אם חקתי יחללו ומצותי לא ישמרו:

וחסדי לא אפיר מעמו ולא אשקר באמונתי:

אחת נשבעתי בקדשי אם לדוד אכזב:

כירח יכון עולם ועד בשחק נאמן סלה:

שם אצמיח קרן לדוד ערכתי נר למשיחי:

ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח:

נעלה ביהודה ונקיצנה ונבקענה אלינו ונמליך מלך בתוכה את בן טבאל:

כה אמר אדני יהוה לא תקום ולא תהיה:

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום:

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת:

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ:

בימיו תושע יהודה וישראל ישכן לבטח וזה שמו אשר יקראו יהוה צדקנו:

בימים ההם ובעת ההיא אצמיח לדוד צמח צדקה ועשה משפט וצדקה בארץ:

בימים ההם תושע יהודה וירושלם תשכון לבטח וזה אשר יקרא לה יהוה צדקנו:

גם בריתי תפר את דוד עבדי מהיות לו בן מלך על כסאו ואת הלוים הכהנים משרתי:

ובני עירו שנאים אותו וישלחו מלאכים אחריו לאמר לא נחפץ בזה כי ימלך עלינו:

אבל את איבי ההם אשר לא חפצו מלכי עליהם הביאו אתם הנה והרגו אתם לפני:

ולא עשו חסד עם בית ירבעל גדעון ככל הטובה אשר עשה עם ישראל:

ויבא המגיד אל דוד לאמר היה לב איש ישראל אחרי אבשלום:

ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל כי אמר לו יהוה: