ויעש הרע בעיני יהוה כבית אחאב כי המה היו לו יועצים אחרי מות אביו למשחית לו:

גם בעצתם הלך וילך את יהורם בן אחאב מלך ישראל למלחמה על חזאל מלך ארם ברמות גלעד ויכו הרמים את יורם:

ויאמר מומכן לפני המלך והשרים לא על המלך לבדו עותה ושתי המלכה כי על כל השרים ועל כל העמים אשר בכל מדינות המלך אחשורוש:

והיום הזה תאמרנה שרות פרס ומדי אשר שמעו את דבר המלכה לכל שרי המלך וכדי בזיון וקצף:

ונשמע פתגם המלך אשר יעשה בכל מלכותו כי רבה היא וכל הנשים יתנו יקר לבעליהן למגדול ועד קטן:

ויאמרו נערי המלך משרתיו יבקשו למלך נערות בתולות טובות מראה:

והנערה אשר תיטב בעיני המלך תמלך תחת ושתי וייטב הדבר בעיני המלך ויעש כן:

מחשבות צדיקים משפט תחבלות רשעים מרמה:

אך אולים שרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם:

נואלו שרי צען נשאו שרי נף התעו את מצרים פנת שבטיה:

אתיעטו כל סרכי מלכותא סגניא ואחשדרפניא הדבריא ופחותא לקימה קים מלכא ולתקפה אסר די כל די יבעה בעו מן כל אלה ואנש עד יומין תלתין להן מנך מלכא יתרמא לגב אריותא:

וידברו אליו הילדים אשר גדלו אתו לאמר כה תאמר לעם הזה אשר דברו אליך לאמר אביך הכביד את עלנו ואתה הקל מעלינו כה תדבר אליהם קטני עבה ממתני אבי:

ועתה אבי העמיס עליכם על כבד ואני אוסיף על עלכם אבי יסר אתכם בשוטים ואני איסר אתכם בעקרבים:

רק בזדון יתן מצה ואת נועצים חכמה:

לפני שבר גאון ולפני כשלון גבה רוח:

פוטר מים ראשית מדון ולפני התגלע הריב נטוש:

טוב אחרית דבר מראשיתו טוב ארך רוח מגבה רוח:

ואם קנאה מרה ומריבה בלבבכם אל תתהללו ואל תשקרו באמת:

כי במקום קנאה ומריבה שם מהומה וכל מעשה רע:

ופרי הצדקה בשלום יזרע לעשי השלום:

מאין המלחמות והמדנים אשר ביניכם הלא מתוך התאות המתגרות באבריכם:

אתם מתאוים ואין לכם תרצחו ותקנאו והשג לא תשיגו תריבו ותלחמו ואין לכם יען אשר לא התפללתם: