וישם באדום נצבים בכל אדום שם נצבים ויהי כל אדום עבדים לדוד ויושע יהוה את דוד בכל אשר הלך:

ואבשי בן צרויה הכה את אדום בגיא המלח שמונה עשר אלף:

וישם באדום נציבים ויהיו כל אדום עבדים לדויד ויושע יהוה את דויד בכל אשר הלך:

למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו:

מי יבלני עיר מבצר מי נחני עד אדום:

ויאמר יהוה לה שני גיים בבטנך ושני לאמים ממעיך יפרדו ולאם מלאם יאמץ ורב יעבד צעיר:

ועל חרבך תחיה ואת אחיך תעבד והיה כאשר תריד ופרקת עלו מעל צוארך:

והיה אדום ירשה והיה ירשה שעיר איביו וישראל עשה חיל:

וירד מיעקב והאביד שריד מעיר:

ונתנה יהוה אלהיך בידך והכית את כל זכורה לפי חרב:

אהבתי אתכם אמר יהוה ואמרתם במה אהבתנו הלוא אח עשו ליעקב נאם יהוה ואהב את יעקב:

ואת עשו שנאתי ואשים את הריו שממה ואת נחלתו לתנות מדבר:

ועתה הרגו כל זכר בטף וכל אשה ידעת איש למשכב זכר הרגו: