ואני נסכתי מלכי על ציון הר קדשי:

זמרו ליהוה ישב ציון הגידו בעמים עלילותיו:

סבו ציון והקיפוה ספרו מגדליה:

היטיבה ברצונך את ציון תבנה חומות ירושלם:

אהב יהוה שערי ציון מכל משכנות יעקב:

כי בחר יהוה בציון אוה למושב לו:

צהלי ורני יושבת ציון כי גדול בקרבך קדוש ישראל:

ובא לציון גואל ולשבי פשע ביעקב נאם יהוה:

והלכו גוים רבים ואמרו לכו ונעלה אל הר יהוה ואל בית אלהי יעקב ויורנו מדרכיו ונלכה בארחתיו כי מציון תצא תורה ודבר יהוה מירושלם:

ככתוב הנני יסד בציון אבן נגף וצור מכשול וכל המאמין בו לא יבוש:

כי אם באתם אל הר ציון ואל עיר אלהים חיים אל ירושלים שבשמים:

וארא והנה שה עמד על הר ציון ועמו מאת אלף וארבעים וארבעה אלפים הנשאים שם אביו כתוב על מצחותם:

וישב דוד במצדה ויקרא לה עיר דוד ויבן דוד סביב מן המלוא וביתה:

ולא אבה דוד להסיר אליו את ארון יהוה על עיר דוד ויטהו דוד בית עבד אדום הגתי:

וישכב דוד עם אבתיו ויקבר בעיר דוד:

ויתחתן שלמה את פרעה מלך מצרים ויקח את בת פרעה ויביאה אל עיר דוד עד כלתו לבנות את ביתו ואת בית יהוה ואת חומת ירושלם סביב:

אז יקהל שלמה את זקני ישראל את כל ראשי המטות נשיאי האבות לבני ישראל אל המלך שלמה ירושלם להעלות את ארון ברית יהוה מעיר דוד היא ציון:

וישב דויד במצד על כן קראו לו עיר דויד:

אז יקהיל שלמה את זקני ישראל ואת כל ראשי המטות נשיאי האבות לבני ישראל אל ירושלם להעלות את ארון ברית יהוה מעיר דויד היא ציון:

ויקברהו בעיר דויד עם המלכים כי עשה טובה בישראל ועם האלהים וביתו: