וישאל שאול ביהוה ולא ענהו יהוה גם בחלמות גם באורים גם בנביאם:

הצעקתו ישמע אל כי תבוא עליו צרה:

אז יקראנני ולא אענה ישחרנני ולא ימצאנני:

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו:

בן אדם דבר את זקני ישראל ואמרת אלהם כה אמר אדני יהוה הלדרש אתי אתם באים חי אני אם אדרש לכם נאם אדני יהוה:

אז יזעקו אל יהוה ולא יענה אותם ויסתר פניו מהם בעת ההיא כאשר הרעו מעלליהם:

והיה ביום ההוא יאמרו רבים אלי אדנינו אדנינו הלא בשמך נבאנו ובשמך גרשנו שדים ובשמך עשינו גבורות רבות:

אז אענה בם לאמר מעולם לא ידעתי אתכם סורו ממני פעלי האון:

והיה מיום אשר יקום בעל הבית וסגר את הדלת ותחלו לעמד בחוץ ולדפק על הדלת לאמר אדנינו אדנינו פתח לנו וענה ואמר אליכם אינני יודע אתכם מאין אתם:

אז תחלו לאמר אכלנו ושתינו לפניך וברחבותינו למדת: