יהודה אתה יודוך אחיך ידך בערף איביך ישתחוו לך בני אביך:

את אימתי אשלח לפניך והמתי את כל העם אשר תבא בהם ונתתי את כל איביך אליך ערף:

ויהי כהוציאם את המלכים האלה אל יהושע ויקרא יהושע אל כל איש ישראל ויאמר אל קציני אנשי המלחמה ההלכוא אתו קרבו שימו את רגליכם על צוארי המלכים האלה ויקרבו וישימו את רגליהם על צואריהם:

ואיבי נתתה לי ערף ומשנאי אצמיתם:

ישועו ואין מושיע על יהוה ולא ענם:

תמצא ידך לכל איביך ימינך תמצא שנאיך:

תשיתמו כתנור אש לעת פניך יהוה באפו יבלעם ותאכלם אש:

ובני עירו שנאים אותו וישלחו מלאכים אחריו לאמר לא נחפץ בזה כי ימלך עלינו:

אבל את איבי ההם אשר לא חפצו מלכי עליהם הביאו אתם הנה והרגו אתם לפני:

באש להבה להשיב נקם לאשר לא ידעו את האלהים ולא שמעו לבשורת אדנינו ישוע המשיח:

אשר ישאו משפט אבדן עולם מאת פני האדון ומהדר גאונו: