ועוד וקויתי לו ועוד הנה אנכי והילדים אשר נתן לי יהוה:

אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שכרך הרבה מאד:

אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך:

ואתה יהוה מגן בעדי כבודי ומרים ראשי:

כי אתה תברך צדיק יהוה כצנה רצון תעטרנו:

יהוה עזי ומגני בו בטח לבי ונעזרתי ויעלז לבי ומשירי אהודנו:

מגננו ראה אלהים והבט פני משיחך:

כי שמש ומגן יהוה אלהים חן וכבוד יתן יהוה לא ימנע טוב להלכים בתמים:

ישראל בטח ביהוה עזרם ומגנם הוא:

יראי יהוה בטחו ביהוה עזרם ומגנם הוא:

כל אמרת אלוה צרופה מגן הוא לחסים בו:

ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שמחתי בישועתך:

וירם לנו קרן ישועה בבית דוד עבדו:

מגדיל ישועות מלכו ועשה חסד למשיחו לדוד ולזרעו עד עולם:

כי היית מחסה לי מגדל עז מפני אויב:

חסדי ומצודתי משגבי ומפלטי לי מגני ובו חסיתי הרודד עמי תחתי:

מגדל עז שם יהוה בו ירוץ צדיק ונשגב:

ויהי יהוה משגב לדך משגב לעתות בצרה:

עצת עני תבישו כי יהוה מחסהו:

יהוה סלעי ומצודתי ומפלטי אלי צורי אחסה בו מגני וקרן ישעי משגבי:

כי יצפנני בסכה ביום רעה יסתרני בסתר אהלו בצור ירוממני:

אתה סתר לי מצר תצרני רני פלט תסובבני סלה:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

יהוה צבאות עמנו משגב לנו אלהי יעקב סלה:

יהוה צבאות עמנו משגב לנו אלהי יעקב סלה:

ואני אשיר עזך וארנן לבקר חסדך כי היית משגב לי ומנוס ביום צר לי:

כמופת הייתי לרבים ואתה מחסי עז:

הביט ימין וראה ואין לי מכיר אבד מנוס ממני אין דורש לנפשי:

והיה איש כמחבא רוח וסתר זרם כפלגי מים בציון כצל סלע כבד בארץ עיפה:

כי כה אמר יהוה צבאות אלהי ישראל הנני משבית מן המקום הזה לעיניכם ובימיכם קול ששון וקול שמחה קול חתן וקול כלה:

הנה אל ישועתי אבטח ולא אפחד כי עזי וזמרת יה יהוה ויהי לי לישועה:

הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי:

ותגל רוחי באלהי ישעי:

ישועה מאיבינו ומיד כל שנאינו:

אמנם כאשר נגלה נעם אלהים מושיענו ורחמנותו אל האדם:

אשר שפך עלינו למכביר על ידי ישוע המשיח מושיענו:

ומוציאי מאיבי ומקמי תרוממני מאיש חמסים תצילני:

בלע אדני פלג לשונם כי ראיתי חמס וריב בעיר:

מתוך ומחמס יגאל נפשם וייקר דמם בעיניו:

אלהים זדים קמו עלי ועדת עריצים בקשו נפשי ולא שמוך לנגדם:

למנצח מזמור לדוד חלצני יהוה מאדם רע מאיש חמסים תנצרני:

שמרני יהוה מידי רשע מאיש חמסים תנצרני אשר חשבו לדחות פעמי:

איש לשון בל יכון בארץ איש חמס רע יצודנו למדחפת: