משוה רגלי כאילות ועל במתי יעמידני:

מלמד ידי למלחמה ונחתה קשת נחושה זרועתי:

לדוד ברוך יהוה צורי המלמד ידי לקרב אצבעותי למלחמה:

משבית מלחמות עד קצה הארץ קשת ישבר וקצץ חנית עגלות ישרף באש:

והכיתי קשתך מיד שמאולך וחציך מיד ימינך אפיל:

ויצאו ישבי ערי ישראל ובערו והשיקו בנשק ומגן וצנה בקשת ובחצים ובמקל יד וברמח ובערו בהם אש שבע שנים:

ולא ישאו עצים מן השדה ולא יחטבו מן היערים כי בנשק יבערו אש ושללו את שלליהם ובזזו את בזזיהם נאם אדני יהוה: