עזי וזמרת יה ויהי לי לישועה זה אלי ואנוהו אלהי אבי וארממנהו:

האל המאזרני חיל ויתן תמים דרכי:

לדוד יהוה אורי וישעי ממי אירא יהוה מעוז חיי ממי אפחד:

יהוה עזי ומגני בו בטח לבי ונעזרתי ויעלז לבי ומשירי אהודנו:

יהוה עז למו ומעוז ישועות משיחו הוא:

תוציאני מרשת זו טמנו לי כי אתה מעוזי:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי:

וגברתים ביהוה ובשמו יתהלכו נאם יהוה:

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח:

סוף דבר אחי חזקו באדנינו ובעז גבורתו:

כל זאת אוכל בעזרת המשיח הנותן כח בקרבי:

הוא ישלימכם בכל מעשה טוב לעשות רצונו בפעלו בכם את הרצוי לפניו ביד ישוע המשיח אשר לו הכבוד לעולמי עולמים אמן:

תמים תהיה עם יהוה אלהיך:

החפץ לשדי כי תצדק ואם בצע כי תתם דרכיך:

אשכילה בדרך תמים מתי תבוא אלי אתהלך בתם לבבי בקרב ביתי:

עיני בנאמני ארץ לשבת עמדי הלך בדרך תמים הוא ישרתני:

אשרי תמימי דרך ההלכים בתורת יהוה: