בהלו נרו עלי ראשי לאורו אלך חשך:

לדוד יהוה אורי וישעי ממי אירא יהוה מעוז חיי ממי אפחד:

כי שמש ומגן יהוה אלהים חן וכבוד יתן יהוה לא ימנע טוב להלכים בתמים:

ויסף ישוע וידבר אליהם לאמר אני אור העולם כל ההלך אחרי לא יתהלך בחשכה כי אור החיים יהיה לו:

והעיר איננה צריכה לאור השמש ולנגה הירח כי כבוד אלהים האיר לה ונרה הוא השה:

רבים אמרים מי יראנו טוב נסה עלינו אור פניך יהוה:

כי אתה תאיר נרי יהוה אלהי יגיה חשכי:

אור זרע לצדיק ולישרי לב שמחה:

זרח בחשך אור לישרים חנון ורחום וצדיק:

מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו:

לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך:

לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך:

זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו:

וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק:

אני באתי לאור אל העולם למען כל אשר יאמין בי לא ישב בחשך: