זבח לאלהים תודה ושלם לעליון נדריך:

לדוד ברכי נפשי את יהוה וכל קרבי את שם קדשו:

הסלח לכל עונכי הרפא לכל תחלאיכי:

המשביע בטוב עדיך תתחדש כנשר נעוריכי:

אהבתי כי ישמע יהוה את קולי תחנוני:

אפפוני חבלי מות ומצרי שאול מצאוני צרה ויגון אמצא:

חנון יהוה וצדיק ואלהינו מרחם:

שובי נפשי למנוחיכי כי יהוה גמל עליכי:

אתהלך לפני יהוה בארצות החיים:

אני אמרתי בחפזי כל האדם כזב:

כוס ישועות אשא ובשם יהוה אקרא:

יקר בעיני יהוה המותה לחסידיו:

לך אזבח זבח תודה ובשם יהוה אקרא:

בחצרות בית יהוה בתוככי ירושלם הללו יה:

אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים:

ותשר דבורה וברק בן אבינעם ביום ההוא לאמר:

ומוציאי מאיבי ומקמי תרוממני מאיש חמסים תצילני:

למנצח לעבד יהוה לדוד אשר דבר ליהוה את דברי השירה הזאת ביום הציל יהוה אותו מכף כל איביו ומיד שאול ויאמר ארחמך יהוה חזקי:

רבות רעות צדיק ומכלם יצילנו יהוה:

ואמרת ביום ההוא אודך יהוה כי אנפת בי ישב אפך ותנחמני:

ושאבתם מים בששון ממעיני הישועה:

זמרו יהוה כי גאות עשה מידעת זאת בכל הארץ:

אשר הצילנו ממות כזה ועודנו מציל ולו אנחנו מקוים כי יוסיף להצילנו:

ויצילני האדון מכל מעשה רע ויושיעני אל מלכותו שבשמים לו הכבוד לעולמי עולמים אמן:

אחרי כן ראיתי והנה המון רב אשר לא יכל איש למנותו מכל הגוים והמשפחות והעמים והלשנות ויעמדו לפני הכסא ולפני השה מלבשים שמלות לבנות וכפות תמרים בידיהם:

וכל המלאכים עמדו סביב לכסא וסביב לזקנים ולארבע החיות ויפלו על פניהם לפני הכסא וישתחוו לאלהים:

ויען אחד מן הזקנים ויאמר אלי אלה המלבשים בגדי לבן מי המה ומאין באו:

לכן הנם לפני כסא האלהים ומשרתים אותו בהיכלו יומם ולילה והישב על הכסא יתן משכנו עליהם:

כי השה אשר בתוך הכסא הוא ירעם ועל מבועי מים חיים ינהלם ומחה אליהם כל דמעה מעיניהם:

וישב דוד במדבר במצדות וישב בהר במדבר זיף ויבקשהו שאול כל הימים ולא נתנו אלהים בידו:

והיה יהוה לדין ושפט ביני ובינך וירא וירב את ריבי וישפטני מידך:

ויקם אדם לרדפך ולבקש את נפשך והיתה נפש אדני צרורה בצרור החיים את יהוה אלהיך ואת נפש איביך יקלענה בתוך כף הקלע:

והנה כאשר גדלה נפשך היום הזה בעיני כן תגדל נפשי בעיני יהוה ויצלני מכל צרה:

ויאמר דוד אל לבו עתה אספה יום אחד ביד שאול אין לי טוב כי המלט אמלט אל ארץ פלשתים ונואש ממני שאול לבקשני עוד בכל גבול ישראל ונמלטתי מידו: