מי יתן מציון ישועת ישראל בשוב יהוה שבות עמו יגל יעקב ישמח ישראל:

זכר רחמיך יהוה וחסדיך כי מעולם המה:

למנצח לדוד מזמור קוה קויתי יהוה ויט אלי וישמע שועתי:

למנצח על ידותון מזמור לדוד אך אל אלהים דומיה נפשי ממנו ישועתי:

אך לאלהים דומי נפשי כי ממנו תקותי:

הראנו יהוה חסדך וישעך תתן לנו:

ויבאני חסדך יהוה תשועתך כאמרתך:

שברתי לישועתך יהוה ומצותיך עשיתי:

תאבתי לישועתך יהוה ותורתך שעשעי:

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו:

קויתי יהוה קותה נפשי ולדברו הוחלתי:

וחכיתי ליהוה המסתיר פניו מבית יעקב וקויתי לו:

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו:

ועתה התערב נא את אדני המלך אשור ואתנה לך אלפים סוסים אם תוכל לתת לך רכבים עליהם:

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו:

יהוה חננו לך קוינו היה זרעם לבקרים אף ישועתנו בעת צרה:

טוב יהוה לקוו לנפש תדרשנו:

ואני ביהוה אצפה אוחילה לאלהי ישעי ישמעני אלהי:

והיא ילדת בן וקראת את שמו ישוע כי הוא יושיע את עמו מעונותיהם:

ויבא יוסף הרמתי יועץ נכבד אשר היה מחכה גם הוא למלכות האלהים ויתחזק ויבא אל פילטוס וישאל את גופת ישוע:

ויאמר לה המלאך אל תיראי מרים כי מצאת חן לפני האלהים:

והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו:

כי ראו עיני את ישועתך:

אשר לא הסכים לעצתם ולפעלם ומחכה גם הוא למלכות האלהים:

כי הבריאה תערג ועיניה תלויות להתגלות בני אלהים:

אבל אם נקוה לאשר לא ראינהו נחכה לו בסבלנות:

כי אנחנו ברוח ניחל מתוך האמונה לתקות הצדקה:

ולחכות לבנו מן השמים אשר העירו מן המתים לישוע מצילנו מן החרון הבא: