ויהי בהקשתה בלדתה ותאמר לה המילדת אל תיראי כי גם זה לך בן:

אלה תלדות יעקב יוסף בן שבע עשרה שנה היה רעה את אחיו בצאן והוא נער את בני בלהה ואת בני זלפה נשי אביו ויבא יוסף את דבתם רעה אל אביהם:

ויראו אחיו כי אתו אהב אביהם מכל אחיו וישנאו אתו ולא יכלו דברו לשלם:

ויאמר אליהם שמעו נא החלום הזה אשר חלמתי:

ויאמרו לו אחיו המלך תמלך עלינו אם משול תמשל בנו ויוספו עוד שנא אתו על חלמתיו ועל דבריו:

ויספר אל אביו ואל אחיו ויגער בו אביו ויאמר לו מה החלום הזה אשר חלמת הבוא נבוא אני ואמך ואחיך להשתחות לך ארצה:

וילכו אחיו לרעות את צאן אביהם בשכם:

ויאמר לו לך נא ראה את שלום אחיך ואת שלום הצאן והשבני דבר וישלחהו מעמק חברון ויבא שכמה:

ויאמר את אחי אנכי מבקש הגידה נא לי איפה הם רעים:

ויראו אתו מרחק ובטרם יקרב אליהם ויתנכלו אתו להמיתו:

ועתה לכו ונהרגהו ונשלכהו באחד הברות ואמרנו חיה רעה אכלתהו ונראה מה יהיו חלמתיו:

ויאמר אלהם ראובן אל תשפכו דם השליכו אתו אל הבור הזה אשר במדבר ויד אל תשלחו בו למען הציל אתו מידם להשיבו אל אביו:

ויקחהו וישלכו אתו הברה והבור רק אין בו מים:

ויאמר יהודה אל אחיו מה בצע כי נהרג את אחינו וכסינו את דמו:

ויעברו אנשים מדינים סחרים וימשכו ויעלו את יוסף מן הבור וימכרו את יוסף לישמעאלים בעשרים כסף ויביאו את יוסף מצרימה:

וישב אל אחיו ויאמר הילד איננו ואני אנה אני בא:

וישלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא אם לא:

ויקרע יעקב שמלתיו וישם שק במתניו ויתאבל על בנו ימים רבים:

והמדנים מכרו אתו אל מצרים לפוטיפר סריס פרעה שר הטבחים:

ויהי יהוה את יוסף ויהי איש מצליח ויהי בבית אדניו המצרי:

וימצא יוסף חן בעיניו וישרת אתו ויפקדהו על ביתו וכל יש לו נתן בידו:

ויעזב כל אשר לו ביד יוסף ולא ידע אתו מאומה כי אם הלחם אשר הוא אוכל ויהי יוסף יפה תאר ויפה מראה:

וימאן ויאמר אל אשת אדניו הן אדני לא ידע אתי מה בבית וכל אשר יש לו נתן בידי:

ויהי כדברה אל יוסף יום יום ולא שמע אליה לשכב אצלה להיות עמה:

ותתפשהו בבגדו לאמר שכבה עמי ויעזב בגדו בידה וינס ויצא החוצה:

ותקרא לאנשי ביתה ותאמר להם לאמר ראו הביא לנו איש עברי לצחק בנו בא אלי לשכב עמי ואקרא בקול גדול:

ותנח בגדו אצלה עד בוא אדניו אל ביתו:

ויהי כהרימי קולי ואקרא ויעזב בגדו אצלי וינס החוצה:

ויקח אדני יוסף אתו ויתנהו אל בית הסהר מקום אשר אסורי המלך אסורים ויהי שם בבית הסהר:

ויתן שר בית הסהר ביד יוסף את כל האסירם אשר בבית הסהר ואת כל אשר עשים שם הוא היה עשה:

ויקצף פרעה על שני סריסיו על שר המשקים ועל שר האופים:

ויפקד שר הטבחים את יוסף אתם וישרת אתם ויהיו ימים במשמר:

ויבא אליהם יוסף בבקר וירא אתם והנם זעפים:

ויאמרו אליו חלום חלמנו ופתר אין אתו ויאמר אלהם יוסף הלוא לאלהים פתרנים ספרו נא לי:

ובגפן שלשה שריגם והיא כפרחת עלתה נצה הבשילו אשכלתיה ענבים:

ויאמר לו יוסף זה פתרנו שלשת השרגים שלשת ימים הם:

כי אם זכרתני אתך כאשר ייטב לך ועשית נא עמדי חסד והזכרתני אל פרעה והוצאתני מן הבית הזה:

וירא שר האפים כי טוב פתר ויאמר אל יוסף אף אני בחלומי והנה שלשה סלי חרי על ראשי:

ויען יוסף ויאמר זה פתרנו שלשת הסלים שלשת ימים הם:

ויהי ביום השלישי יום הלדת את פרעה ויעש משתה לכל עבדיו וישא את ראש שר המשקים ואת ראש שר האפים בתוך עבדיו:

ואת שר האפים תלה כאשר פתר להם יוסף:

ומקצה אחיו לקח חמשה אנשים ויצגם לפני פרעה:

ויאמרו אל פרעה לגור בארץ באנו כי אין מרעה לצאן אשר לעבדיך כי כבד הרעב בארץ כנען ועתה ישבו נא עבדיך בארץ גשן:

ארץ מצרים לפניך הוא במיטב הארץ הושב את אביך ואת אחיך ישבו בארץ גשן ואם ידעת ויש בם אנשי חיל ושמתם שרי מקנה על אשר לי:

ויאמר פרעה אל יעקב כמה ימי שני חייך:

ויברך יעקב את פרעה ויצא מלפני פרעה:

ויכלכל יוסף את אביו ואת אחיו ואת כל בית אביו לחם לפי הטף:

וילקט יוסף את כל הכסף הנמצא בארץ מצרים ובארץ כנען בשבר אשר הם שברים ויבא יוסף את הכסף ביתה פרעה:

ויאמר יוסף הבו מקניכם ואתנה לכם במקניכם אם אפס כסף:

ותתם השנה ההוא ויבאו אליו בשנה השנית ויאמרו לו לא נכחד מאדני כי אם תם הכסף ומקנה הבהמה אל אדני לא נשאר לפני אדני בלתי אם גויתנו ואדמתנו:

ויקן יוסף את כל אדמת מצרים לפרעה כי מכרו מצרים איש שדהו כי חזק עלהם הרעב ותהי הארץ לפרעה:

רק אדמת הכהנים לא קנה כי חק לכהנים מאת פרעה ואכלו את חקם אשר נתן להם פרעה על כן לא מכרו את אדמתם:

והיה בתבואת ונתתם חמישית לפרעה וארבע הידת יהיה לכם לזרע השדה ולאכלכם ולאשר בבתיכם ולאכל לטפכם:

וישם אתה יוסף לחק עד היום הזה על אדמת מצרים לפרעה לחמש רק אדמת הכהנים לבדם לא היתה לפרעה:

ויחי יעקב בארץ מצרים שבע עשרה שנה ויהי ימי יעקב שני חייו שבע שנים וארבעים ומאת שנה:

ושכבתי עם אבתי ונשאתני ממצרים וקברתני בקברתם ויאמר אנכי אעשה כדברך:

וימררהו ורבו וישטמהו בעלי חצים:

מאל אביך ויעזרך ואת שדי ויברכך ברכת שמים מעל ברכת תהום רבצת תחת ברכת שדים ורחם:

בנימין זאב יטרף בבקר יאכל עד ולערב יחלק שלל:

ויצו יוסף את עבדיו את הרפאים לחנט את אביו ויחנטו הרפאים את ישראל:

ויעברו ימי בכיתו וידבר יוסף אל בית פרעה לאמר אם נא מצאתי חן בעיניכם דברו נא באזני פרעה לאמר:

ויאמר פרעה עלה וקבר את אביך כאשר השביעך:

וכל בית יוסף ואחיו ובית אביו רק טפם וצאנם ובקרם עזבו בארץ גשן:

ויבאו עד גרן האטד אשר בעבר הירדן ויספדו שם מספד גדול וכבד מאד ויעש לאביו אבל שבעת ימים:

ויעשו בניו לו כן כאשר צום:

וישב יוסף מצרימה הוא ואחיו וכל העלים אתו לקבר את אביו אחרי קברו את אביו:

לשפופם משפחת השופמי לחופם משפחת החופמי:

אלה בני בנימן למשפחתם ופקדיהם חמשה וארבעים אלף ושש מאות:

וליוסף אמר מברכת יהוה ארצו ממגד שמים מטל ומתהום רבצת תחת:

ומראש הררי קדם וממגד גבעות עולם:

בכור שורו הדר לו וקרני ראם קרניו בהם עמים ינגח יחדו אפסי ארץ והם רבבות אפרים והם אלפי מנשה: