Almeida Corrigida Fiel

Génesis 30:14-18

וילך ראובן בימי קציר חטים וימצא דודאים בשדה ויבא אתם אל לאה אמו ותאמר רחל אל לאה תני נא לי מדודאי בנך:

ותאמר לה המעט קחתך את אישי ולקחת גם את דודאי בני ותאמר רחל לכן ישכב עמך הלילה תחת דודאי בנך:

ויבא יעקב מן השדה בערב ותצא לאה לקראתו ותאמר אלי תבוא כי שכר שכרתיך בדודאי בני וישכב עמה בלילה הוא:

וישמע אלהים אל לאה ותהר ותלד ליעקב בן חמישי:

ותאמר לאה נתן אלהים שכרי אשר נתתי שפחתי לאישי ותקרא שמו יששכר:

Génesis 35:23

בני לאה בכור יעקב ראובן ושמעון ולוי ויהודה ויששכר וזבלון:

Génesis 49:14

יששכר חמר גרם רבץ בין המשפתים:

Génesis 49:15

וירא מנחה כי טוב ואת הארץ כי נעמה ויט שכמו לסבל ויהי למס עבד:

Números 1:8

ליששכר נתנאל בן צוער:

Números 1:28-30

לבני יששכר תולדתם למשפחתם לבית אבתם במספר שמת מבן עשרים שנה ומעלה כל יצא צבא:

פקדיהם למטה יששכר ארבעה וחמשים אלף וארבע מאות:

לבני זבולן תולדתם למשפחתם לבית אבתם במספר שמת מבן עשרים שנה ומעלה כל יצא צבא:

Números 26:23-25

בני יששכר למשפחתם תולע משפחת התולעי לפוה משפחת הפוני:

לישוב משפחת הישובי לשמרן משפחת השמרני:

אלה משפחת יששכר לפקדיהם ארבעה וששים אלף ושלש מאות:

Deuteronomio 33:18

ולזבולן אמר שמח זבולן בצאתך ויששכר באהליך:

1 Crónicas 2:1

אלה בני ישראל ראובן שמעון לוי ויהודה יששכר וזבלון:

1 Crónicas 7:1-5

ולבני יששכר תולע ופואה ישיב ושמרון ארבעה:

ובני תולע עזי ורפיה ויריאל ויחמי ויבשם ושמואל ראשים לבית אבותם לתולע גבורי חיל לתלדותם מספרם בימי דויד עשרים ושנים אלף ושש מאות:

ובני עזי יזרחיה ובני יזרחיה מיכאל ועבדיה ויואל ישיה חמשה ראשים כלם:

ועליהם לתלדותם לבית אבותם גדודי צבא מלחמה שלשים וששה אלף כי הרבו נשים ובנים:

ואחיהם לכל משפחות יששכר גבורי חילים שמונים ושבעה אלף התיחשם לכל:

1 Crónicas 12:32

ומבני יששכר יודעי בינה לעתים לדעת מה יעשה ישראל ראשיהם מאתים וכל אחיהם על פיהם: