נחמו נחמו עמי יאמר אלהיכם:

דברו על לב ירושלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה:

ויאמר ישוע אבי סלח להם כי לא ידעו מה הם עשים ויחלקו בגדיו להם ויפילו גורל:

ועתה להפך תסלחו ותנחמו כדי שלא יתבלע האיש בגדל העצבון:

פן יונה אתנו השטן כי לא נעלמו מאתנו מזמותיו:

וישלחני אלהים לפניכם לשום לכם שארית בארץ ולהחיות לכם לפליטה גדלה:

ועתה לא אתם שלחתם אתי הנה כי האלהים וישימני לאב לפרעה ולאדון לכל ביתו ומשל בכל ארץ מצרים:

ויאמרו החיתנו נמצא חן בעיני אדני והיינו עבדים לפרעה:

ואתם חשבתם עלי רעה אלהים חשבה לטבה למען עשה כיום הזה להחית עם רב:

וישכמו בבקר וישתחוו לפני יהוה וישבו ויבאו אל ביתם הרמתה וידע אלקנה את חנה אשתו ויזכרה יהוה:

כי אתה עשית בסתר ואני אעשה את הדבר הזה נגד כל ישראל ונגד השמש:

ויאמר המלך מה לי ולכם בני צריה כי יקלל וכי יהוה אמר לו קלל את דוד ומי יאמר מדוע עשיתה כן:

אולי יראה יהוה בעוני והשיב יהוה לי טובה תחת קללתו היום הזה:

ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה:

ויאמר ערם יצתי מבטן אמי וערם אשוב שמה יהוה נתן ויהוה לקח יהי שם יהוה מברך:

ויקרא רעב על הארץ כל מטה לחם שבר:

שלח לפניהם איש לעבד נמכר יוסף:

אתו הנמסר על פי עצת האלהים הנחרצה וידיעתו מקום לקחתם ובידי רשעים הוקעתם והרגתם אתו:

והאלהים הקימו מן המתים בהתיר את חבלי המות באשר נמנע מן המות לעצר אתו:

ויהי כאשר שמעו את זאת וישאו את קולם בלב אחד לאלהים ויאמרו אדני אתה האל העשה את השמים ואת הארץ ואת הים ואת כל אשר בם:

יתיצבו מלכי ארץ ורוזנים נוסדו יחד על יהוה ועל משיחו:

לעשות את אשר ידך ועצתך מקדם גזרה להיות:

ויקנאו האבות ביוסף וימכרו אותו מצרימה ואלהים היה עמו:

ויהי רעב על כל ארץ מצרים וכנען וצרה גדולה ואבותינו לא מצאו אכל:

ובפעם השנית התודע יוסף אל אחיו ומולדת יוסף נגלתה לפרעה:

וירד יעקב מצרימה וימת הוא ואבותינו: