חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט:

ויאמר אלהם יוסף ביום השלישי זאת עשו וחיו את האלהים אני ירא:

אמר אלהי ישראל לי דבר צור ישראל מושל באדם צדיק מושל יראת אלהים:

כי אקח מועד אני מישרים אשפט:

מצדיק רשע ומרשיע צדיק תועבת יהוה גם שניהם:

אם תעשה עמנו רעה כאשר לא נגענוך וכאשר עשינו עמך רק טוב ונשלחך בשלום אתה עתה ברוך יהוה:

וישלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא אם לא:

ויכירה ויאמר כתנת בני חיה רעה אכלתהו טרף טרף יוסף: