כלנו בני איש אחד נחנו כנים אנחנו לא היו עבדיך מרגלים:

שנים עשר אנחנו אחים בני אבינו האחד איננו והקטן היום את אבינו בארץ כנען:

ותהר לאה ותלד בן ותקרא שמו ראובן כי אמרה כי ראה יהוה בעניי כי עתה יאהבני אישי:

ותהר עוד ותלד בן ותאמר עתה הפעם ילוה אישי אלי כי ילדתי לו שלשה בנים על כן קרא שמו לוי:

ותאמר רחל דנני אלהים וגם שמע בקלי ויתן לי בן על כן קראה שמו דן:

ותאמר רחל נפתולי אלהים נפתלתי עם אחתי גם יכלתי ותקרא שמו נפתלי:

ותלד זלפה שפחת לאה ליעקב בן:

ותלד זלפה שפחת לאה בן שני ליעקב:

וילך ראובן בימי קציר חטים וימצא דודאים בשדה ויבא אתם אל לאה אמו ותאמר רחל אל לאה תני נא לי מדודאי בנך:

ויבא יעקב מן השדה בערב ותצא לאה לקראתו ותאמר אלי תבוא כי שכר שכרתיך בדודאי בני וישכב עמה בלילה הוא:

ותאמר לאה נתן אלהים שכרי אשר נתתי שפחתי לאישי ותקרא שמו יששכר:

ותאמר לאה זבדני אלהים אתי זבד טוב הפעם יזבלני אישי כי ילדתי לו ששה בנים ותקרא את שמו זבלון:

ויזכר אלהים את רחל וישמע אליה אלהים ויפתח את רחמה:

ותקרא את שמו יוסף לאמר יסף יהוה לי בן אחר:

ויסעו מבית אל ויהי עוד כברת הארץ לבוא אפרתה ותלד רחל ותקש בלדתה:

ויהי בצאת נפשה כי מתה ותקרא שמו בן אוני ואביו קרא לו בנימין:

ויצב יעקב מצבה על קברתה הוא מצבת קברת רחל עד היום:

ויהי בשכן ישראל בארץ ההוא וילך ראובן וישכב את בלהה פילגש אביו וישמע ישראל ויהיו בני יעקב שנים עשר:

בני רחל יוסף ובנימן:

ובני זלפה שפחת לאה גד ואשר אלה בני יעקב אשר ילד לו בפדן ארם:

ויאמרו שאול שאל האיש לנו ולמולדתנו לאמר העוד אביכם חי היש לכם אח ונגד לו על פי הדברים האלה הידוע נדע כי יאמר הורידו את אחיכם:

ואלה שמות בני ישראל הבאים מצרימה יעקב ובניו בכר יעקב ראובן:

ובני שמעון ימואל וימין ואהד ויכין וצחר ושאול בן הכנענית:

ובני יהודה ער ואונן ושלה ופרץ וזרח וימת ער ואונן בארץ כנען ויהיו בני פרץ חצרון וחמול:

ובני זבולן סרד ואלון ויחלאל:

ובני גד צפיון וחגי שוני ואצבן ערי וארודי ואראלי:

אלה בני זלפה אשר נתן לבן ללאה בתו ותלד את אלה ליעקב שש עשרה נפש:

ויולד ליוסף בארץ מצרים אשר ילדה לו אסנת בת פוטי פרע כהן אן את מנשה ואת אפרים:

אלה בני רחל אשר ילד ליעקב כל נפש ארבעה עשר:

ובני נפתלי יחצאל וגוני ויצר ושלם:

כל הנפש הבאה ליעקב מצרימה יצאי ירכו מלבד נשי בני יעקב כל נפש ששים ושש:

ראובן שמעון לוי ויהודה:

דן ונפתלי גד ואשר:

וידבר יהוה אל משה במדבר סיני באהל מועד באחד לחדש השני בשנה השנית לצאתם מארץ מצרים לאמר:

מבן עשרים שנה ומעלה כל יצא צבא בישראל תפקדו אתם לצבאתם אתה ואהרן:

ואלה שמות האנשים אשר יעמדו אתכם לראובן אליצור בן שדיאור:

ליהודה נחשון בן עמינדב:

לזבולן אליאב בן חלן:

לבנימן אבידן בן גדעני:

לאשר פגעיאל בן עכרן:

לנפתלי אחירע בן עינן:

ויקח משה ואהרן את האנשים האלה אשר נקבו בשמות:

כאשר צוה יהוה את משה ויפקדם במדבר סיני:

פקדיהם למטה ראובן ששה וארבעים אלף וחמש מאות:

פקדיהם למטה שמעון תשעה וחמשים אלף ושלש מאות:

פקדיהם למטה גד חמשה וארבעים אלף ושש מאות וחמשים:

פקדיהם למטה יהודה ארבעה ושבעים אלף ושש מאות:

פקדיהם למטה יששכר ארבעה וחמשים אלף וארבע מאות:

פקדיהם למטה זבולן שבעה וחמשים אלף וארבע מאות:

פקדיהם למטה אפרים ארבעים אלף וחמש מאות:

פקדיהם למטה מנשה שנים ושלשים אלף ומאתים:

פקדיהם למטה בנימן חמשה ושלשים אלף וארבע מאות:

פקדיהם למטה דן שנים וששים אלף ושבע מאות:

פקדיהם למטה אשר אחד וארבעים אלף וחמש מאות:

פקדיהם למטה נפתלי שלשה וחמשים אלף וארבע מאות:

ויהיו כל פקודי בני ישראל לבית אבתם מבן עשרים שנה ומעלה כל יצא צבא בישראל:

והלוים למטה אבתם לא התפקדו בתוכם:

אך את מטה לוי לא תפקד ואת ראשם לא תשא בתוך בני ישראל:

ובנסע המשכן יורידו אתו הלוים ובחנת המשכן יקימו אתו הלוים והזר הקרב יומת:

והלוים יחנו סביב למשכן העדת ולא יהיה קצף על עדת בני ישראל ושמרו הלוים את משמרת משכן העדות:

וידבר יהוה אל משה לאמר:

ותקעו בהן ונועדו אליך כל העדה אל פתח אהל מועד:

ותקעתם תרועה ונסעו המחנות החנים קדמה:

ובהקהיל את הקהל תתקעו ולא תריעו:

וכי תבאו מלחמה בארצכם על הצר הצרר אתכם והרעתם בחצצרות ונזכרתם לפני יהוה אלהיכם ונושעתם מאיביכם:

ויהי בשנה השנית בחדש השני בעשרים בחדש נעלה הענן מעל משכן העדת:

ויסעו בראשנה על פי יהוה ביד משה:

ועל צבא מטה בני יששכר נתנאל בן צוער:

והורד המשכן ונסעו בני גרשון ובני מררי נשאי המשכן:

ועל צבא מטה בני שמעון שלמיאל בן צורי שדי:

ונסעו הקהתים נשאי המקדש והקימו את המשכן עד באם:

ועל צבא מטה בני מנשה גמליאל בן פדהצור:

ונסע דגל מחנה בני דן מאסף לכל המחנת לצבאתם ועל צבאו אחיעזר בן עמישדי:

ועל צבא מטה בני נפתלי אחירע בן עינן:

ויאמר משה לחבב בן רעואל המדיני חתן משה נסעים אנחנו אל המקום אשר אמר יהוה אתו אתן לכם לכה אתנו והטבנו לך כי יהוה דבר טוב על ישראל:

ויאמר אל נא תעזב אתנו כי על כן ידעת חנתנו במדבר והיית לנו לעינים:

ויסעו מהר יהוה דרך שלשת ימים וארון ברית יהוה נסע לפניהם דרך שלשת ימים לתור להם מנוחה:

ויהי בנסע הארן ויאמר משה קומה יהוה ויפצו איביך וינסו משנאיך מפניך:

ויהי אחרי המגפה ויאמר יהוה אל משה ואל אלעזר בן אהרן הכהן לאמר:

וידבר משה ואלעזר הכהן אתם בערבת מואב על ירדן ירחו לאמר:

ראובן בכור ישראל בני ראובן חנוך משפחת החנכי לפלוא משפחת הפלאי:

אלה משפחת הראובני ויהיו פקדיהם שלשה וארבעים אלף ושבע מאות ושלשים:

ובני אליאב נמואל ודתן ואבירם הוא דתן ואבירם קרואי העדה אשר הצו על משה ועל אהרן בעדת קרח בהצתם על יהוה:

ובני קרח לא מתו:

לזרח משפחת הזרחי לשאול משפחת השאולי:

בני גד למשפחתם לצפון משפחת הצפוני לחגי משפחת החגי לשוני משפחת השוני:

לארוד משפחת הארודי לאראלי משפחת האראלי:

בני יהודה ער ואונן וימת ער ואונן בארץ כנען:

ויהיו בני פרץ לחצרן משפחת החצרני לחמול משפחת החמולי:

בני יששכר למשפחתם תולע משפחת התולעי לפוה משפחת הפוני:

אלה משפחת יששכר לפקדיהם ארבעה וששים אלף ושלש מאות:

אלה משפחת הזבולני לפקדיהם ששים אלף וחמש מאות:

בני מנשה למכיר משפחת המכירי ומכיר הוליד את גלעד לגלעד משפחת הגלעדי:

ואשריאל משפחת האשראלי ושכם משפחת השכמי:

וצלפחד בן חפר לא היו לו בנים כי אם בנות ושם בנות צלפחד מחלה ונעה חגלה מלכה ותרצה:

אלה בני אפרים למשפחתם לשותלח משפחת השתלחי לבכר משפחת הבכרי לתחן משפחת התחני:

אלה משפחת בני אפרים לפקדיהם שנים ושלשים אלף וחמש מאות אלה בני יוסף למשפחתם:

לשפופם משפחת השופמי לחופם משפחת החופמי:

אלה בני בנימן למשפחתם ופקדיהם חמשה וארבעים אלף ושש מאות:

כל משפחת השוחמי לפקדיהם ארבעה וששים אלף וארבע מאות:

לבני בריעה לחבר משפחת החברי למלכיאל משפחת המלכיאלי:

אלה משפחת בני אשר לפקדיהם שלשה וחמשים אלף וארבע מאות:

ליצר משפחת היצרי לשלם משפחת השלמי:

אלה פקודי בני ישראל שש מאות אלף ואלף שבע מאות ושלשים:

לאלה תחלק הארץ בנחלה במספר שמות:

אך בגורל יחלק את הארץ לשמות מטות אבתם ינחלו:

ואלה פקודי הלוי למשפחתם לגרשון משפחת הגרשני לקהת משפחת הקהתי למררי משפחת המררי:

ושם אשת עמרם יוכבד בת לוי אשר ילדה אתה ללוי במצרים ותלד לעמרם את אהרן ואת משה ואת מרים אחתם:

וימת נדב ואביהוא בהקריבם אש זרה לפני יהוה:

אלה פקודי משה ואלעזר הכהן אשר פקדו את בני ישראל בערבת מואב על ירדן ירחו:

כי אמר יהוה להם מות ימתו במדבר ולא נותר מהם איש כי אם כלב בן יפנה ויהושע בן נון:

וידבר יהוה אל משה לאמר:

והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה:

ונסב הגבול מעצמון נחלה מצרים והיו תוצאתיו הימה:

וזה יהיה לכם גבול צפון מן הים הגדל תתאו לכם הר ההר:

ויצא הגבל זפרנה והיו תוצאתיו חצר עינן זה יהיה לכם גבול צפון:

וירד הגבל משפם הרבלה מקדם לעין וירד הגבול ומחה על כתף ים כנרת קדמה:

ויצו משה את בני ישראל לאמר זאת הארץ אשר תתנחלו אתה בגורל אשר צוה יהוה לתת לתשעת המטות וחצי המטה:

שני המטות וחצי המטה לקחו נחלתם מעבר לירדן ירחו קדמה מזרחה:

אלה שמות האנשים אשר ינחלו לכם את הארץ אלעזר הכהן ויהושע בן נון:

ואלה שמות האנשים למטה יהודה כלב בן יפנה:

למטה בנימן אלידד בן כסלון:

לבני יוסף למטה בני מנשה נשיא חניאל בן אפד:

ולמטה בני זבולן נשיא אליצפן בן פרנך:

ולמטה בני אשר נשיא אחיהוד בן שלמי:

אלה אשר צוה יהוה לנחל את בני ישראל בארץ כנען:

אלה בני ישראל ראובן שמעון לוי ויהודה יששכר וזבלון:

בני יהודה ער ואונן ושלה שלושה נולד לו מבת שוע הכנענית ויהי ער בכור יהודה רע בעיני יהוה וימיתהו:

בני פרץ חצרון וחמול:

ובני כרמי עכר עוכר ישראל אשר מעל בחרם:

ויאמר אלהם יעקב אביהם אתי שכלתם יוסף איננו ושמעון איננו ואת בנימן תקחו עלי היו כלנה:

ויאמר לא ירד בני עמכם כי אחיו מת והוא לבדו נשאר וקראהו אסון בדרך אשר תלכו בה והורדתם את שיבתי ביגון שאולה:

וישב אל אחיו ויאמר הילד איננו ואני אנה אני בא:

ונאמר אל אדני יש לנו אב זקן וילד זקנים קטן ואחיו מת ויותר הוא לבדו לאמו ואביו אהבו:

ויצא האחד מאתי ואמר אך טרף טרף ולא ראיתיו עד הנה:

ויגדו לו לאמר עוד יוסף חי וכי הוא משל בכל ארץ מצרים ויפג לבו כי לא האמין להם:

כה אמר יהוה קול ברמה נשמע נהי בכי תמרורים רחל מבכה על בניה מאנה להנחם על בניה כי איננו:

אבתינו חטאו אינם אנחנו עונתיהם סבלנו:

וירא הורדוס כי התלו בו המגושים ויקצף מאד וישלח וימת את כל הילדים אשר בבית לחם ובכל גבוליה מבן שנתים ולמטה כפי העת אשר חקרה מפי המגושים:

קול ברמה נשמע נהי ובכי תמרורים רחל מבכה על בניה מאנה להנחם כי אינם: